ကမ္ဘာကျော်ခဲ့သည့် ဆီးရီးယားဒုက္ခသည်ကလေးငယ် သေဆုံးမှုအတွက် တူရကီက လူ ၂ ဦးကို ထောင်ချ

မတ် ၄၊ ၂၀၁၆
M-Media

– လှေမှောက်၍ ရေနစ်သေဆုံးကာ ကမ်းခြေတွင် လာတင်နေပြီး ကမ္ဘာတစ်ဝှမ်းမှ ဂရုဏာသက်ခဲ့ရသည့် ဆီးရီးယားမှ ၃ နှစ်အရွယ် ဒုက္ခသည်ကလေးငယ် အလန်ကာရ်ဒီ အပါအ၀င် လူ ၅ ဦး ရေနစ်သေဆုံးမှုအတွက် လူကုန်ကူးသူ ၂ ဦးကို တူရကီတရားရုံးက ထောင်ဒဏ် ၂ နှစ်မှ ၄ နှစ်အထိ ပြစ်ဒဏ်ချမှတ်ခဲ့သည်ဟု သိရသည်။

ယနေ့တွင် ပြစ်ဒဏ်ချမှတ်ခဲ့ခြင်း ဖြစ်သော်လည်း တမင်လစ်လျူရှုမှုကြောင့် သေဆုံးရသည်ဟူသော စွဲချက်ကိုမူ တရားရုံးက ပယ်ချခဲ့သည်။

အသက် ၃ နှစ်ရွယ် ကာရ်ဒီလေးမှာ မိသားစုနှင့်အတူ ပြီးခဲ့သည့်နှစ် စက်တင်ဘာလတွင် တူရကီမှ ဂရိသို့ လှေဖြင့်ကူးရန် ကြိုးစားစဉ် လှေမှောက်ကာ မိခင်၊ အစ်ကိုတို့နှင့်အတူ သေဆုံးခဲ့ခြင်းဖြစ်သည်။ ၎င်းတို့မိသားစုတွင် ဖခင်ဖြစ်သူ အဘ်ဒူလာကာရ်ဒီ တစ်ဦးတည်းသာ အသက်ရှင်ကျန်ရစ်ခဲ့သည်။

တူရကီရှိ ကမ်းခြေတစ်ခုတွင် လာတင်နေသည့် အသက်မဲ့နေသော ကာရ်ဒီလေး၏ ဓာတ်ပုံမှာ ထိုအချိန်က ဆိုရှယ်မီဒီယာများတွင် ချက်ခြင်း ပြန့်နှံ့သွားခဲ့ပြီး ဆီးရီးယားစစ်ပွဲကြောင့် ၂၀၁၁ ခုနှစ် မတ်လကတည်းက စတင်ကာ နေရပ်စွန့်ခွာ ထွက်ပြေးခဲ့ရသည့် ဆီးရီးယားဒုက္ခသည်များ၏ ဒုက္ခသုက္ခအပေါ် ကမ္ဘာတစ်ဝှမ်းမှ စာနာနားလည်မှုများ မြင့်တက်လာခဲ့သည်။

၂၀၁၅ ခုနှစ်အတွင်း ဥရောပသို့ရောက်ရှိရန် မြေထဲပင်လယ်သို့ ဖြတ်သန်း၍ လာရောက်စဉ် သေဆုံးခဲ့သည့် ဒုက္ခသည်အရေအတွက်မှာ ၃၇၇၁ ဦးရှိပြီး၊ ၂၀၁၄ ခုနှစ်တွင်မူ ၃၂၇၉ ဦး ရှိခဲ့သည်ဟု ရွှေ့ပြောင်းသူများဆိုင်ရာ နိုင်ငံတကာ အဖွဲ့အစည်း IOM က စာရင်းထုတ်ပြန်ခဲ့သည်။

ယခုနှစ် ပထမ ၂ လအတွင်း ဥရောပသို့ လာရောက်ရန် ကြိုးစားသည့် ဒုက္ခသည်များမှ သေဆုံးသူ အရေအတွက်မှာ ၄၁၈ ဦး ရှိခဲ့သည်။

Ref: Aljazeera