News @ M-Media

အသင်းအနေဖြင့် စိတ်အားထက်သန်မှု ဆက်ရှိနေရန် လီဗာပူးလ်နည်းပြ တိုက်တွန်း

မတ် ၅၊ ၂၀၁၆
M-Media

liverpool 1

– ချန်ပီယံလိဂ်ဝင်ခွင့်နေရာ ရရှိအောင် ကြိုးစားနေသည့် အသင်းအနေဖြင့် စိတ်အားထက်သန်မှု ဆက်လက်ရှိနေစေရန် လီဗာပူးလ်နည်းပြ ယာဂန်ကလော့ပ်က တိုက်တွန်းပြောကြားလိုက်သည်။

ဗုဒ္ဓဟူးနေ့က မန်စီးတီးအသင်းအား ၃ ဂိုး ဂိုးမရှိဖြင့် အနိုင်ရရှိခဲ့ပြီးနောက် လီဗာပူးလ်အသင်းမှာ အဆင့် ၄ နေရာနှင့် ၆ မှတ်အကွာဖြင့် အဆင့် ၈ နေရာတွင် ရှိနေပြီး ချန်ပီယံလိဂ်ဝင်ခွင့် ရရှိရန် နီးစပ်လာခဲ့သည်။ မနက်ဖြန်တွင် လီဗာပူးလ်မှာ နိုဝင်ဘာလအတွင်းက ရှုံးနိမ့်ထားခဲ့သည့် ခရစ္စတယ်ပဲလေ့စ်အသင်းနှင့် ကစားရမည်ဖြစ်ပြီး ကလော့ပ်ကမူ ထိုပွဲအား အနိုင်ရရှိရန် အကြောင်းအရင်းများစွာ ရှိနေသည်ဟု ပြောကြားခဲ့သည်။

“အားကစားမှာ စိတ်အားထက်သန်မှုက အရေးကြီးပါတယ်။ ကျွန်တော်တို့ စိတ်အားထက်သန်မှုရှိဖို့ လိုအပ်ပါတယ်။ ခရစ္စတယ်ပဲလေ့စ်နဲ့ပွဲမှာ ကျွန်တော်တို့နိုင်ဖို့ အကြောင်းအရင်းတစ်ခု ရှိပါတယ်။ အိမ်ကွင်းမှာ ကျွန်တော်တို့ မရှုံးသင့်ပေမယ့် ကျွန်တော်တို့ရှုံးခဲ့တယ်။ ဒါ့ကြောင့်ပါပဲ” ဟု ကလော့ပ်က ပြောကြားခဲ့သည်။

ထို့ပြင် လီဗာပူးလ်အသင်း ထိပ်ဆုံး ၄ သင်းစာရင်း ၀င်ရန်မှာ မိမိတို့၏ အာရုံစူးစုိုက်မှုနှင့် အခြားအသင်းများ၏ ခြေချော်မှုအပေါ်တွင်လည်း မူတည်သည်ဟု ကလော့ပ်က ထည့်သွင်းပြောကြားခဲ့သည်။

Ref : Goal

Comments

Leave a Reply