News @ M-Media

ဇီကာဗိုင်းရပ်စ်ကူးစက်မှု လာအိုတွင်ဖြစ်ပေါ်

မတ် ၆၊ ၂၀၁၆
M-Media

zika 13

– လာအိုနိုင်ငံအတွင်း ဇီကာဗိုင်းရပ်စ် ပြန့်နှံ့ကူးစက်မှု ရှိနေသည်ဟု ကမ္ဘာ့ကျန်မာရေးအဖွဲ့ WHO က ပြောကြားလိုက်ပြီး မွေးကင်းစကလေးငယ်များ ဥာဏ်ရည်မပြည့်စုံခြင်းကို ဖြစ်စေသာ အဆိုပါဇီကာဗိုင်းရပ်စ်နှင့်ပတ်သက်၍ စိုးရိမ်ရမှုများ မြင့်တက်လာခဲ့သည်။

ကူးစက်မှုမှာ တစ်ခုသာဖြစ်ပြီး လာအိုမှာ နိုင်ငံအတွင်း ဇီကာဗိုင်းရပ်စ် ကူးစက်ဖြစ်ပွားသော ၄၁ နိုင်ငံမြောက်နိုင်ငံ ဖြစ်လာခဲ့သည်။ ဇီကာမှာ လက်တင်အမေရိကနိုင်ငံများအတွင် အများဆုံး ဖြစ်ပွားနေပြီး ကုလသမဂ္ဂက ကမ္ဘာ့ကျန်းမာရေး အရေးပေါ်အခြေအနေအထိ ကြေငြာခဲ့ရသည်။

လာအိုအာဏာပိုင်များကမူ ထိုကိစ္စနှင့်ပတ်သက်၍ မည်သည့် သတင်းထုတ်ပြန်မှုမှ မပြုလုပ်သေးပေ။ လာအိုနှင့် အိမ်နီးချင်း ထိုင်းနိုင်ငံတွင် ပြီးခဲ့သည့် လအတွင်းက အသက် ၂၂ နှစ်အရွယ် ပြည်သူတစ်ဦး ဇီကာဗိုင်းရပ်စ် ကူးစက်ခံရသည်ဟု သတင်းထွက်ခဲ့ပြီး နောက်ပိုင်းတွင် ပြန်လည်ကောင်းမွန်လာခဲ့သည်။

ထိုင်းနိုင်ငံတွင် ၂၀၁၂ ခုနှစ်မှစ၍ ဇီကာဗိုင်းကူးစက်သူမှာ တစ်နှစ်လျှင် ၅ ဦးခန့် ရှိခဲ့သော်လည်း ကပ်ရောဂါအဖြစ် ဖြစ်ပေါ်ခဲ့ခြင်းမရှိချေ။ လက်ရှိအချိ်တွင် ဇီကာကို ကာကွယ်ကုသနိုင်သည့် ဆေးဝါးများ မရှိသေးချေ။

Ref: Channelnewsasia

Comments

Leave a Reply