News @ M-Media

နိုက်ဂျီးရီးယားနွယ်ဖွား အာဆင်နယ်လူငယ် ကစားသမားကို အင်္ဂလန်က လိုချင်နေ

မတ် ၂၁၊ ၂၀၁၆
M-Media

arsenal

– ယခုတစ်ပတ် အာဆင်နယ်အသင်းနှင့် ပရီးမီးယားလိဂ် ပထမဆုံး ပွဲဦးထွက်ကစားကာ ခြေစွမ်းပြ တစ်ဂိုးသွင်းယူနိုင်ခဲ့သည့် လူငယ်ကစားသမား အဲလက်စ် ၀ိုဘီကို အင်္ဂလန်လက်ရွေးစင်အသင်းအတွက် ကိုယ်စားပြုကစားနိုင်ရန် အင်္ဂလန်ဘောလုံးအဖွဲ့ချုပ် FA က ကြိုးပမ်းနေသည်ဟု The Mirror သတင်းဌာနက ဖော်ပြခဲ့သည်။

အသက် ၁၉ နှစ်အရွယ်ရှိ ၀ိုဘီမှာ နိုက်ဂျီးရီးယားတွင် မွေးဖွားခဲ့သူဖြစ်ပြီး နိုက်ဂျီးရီးယားအသင်းနှင့် ချစ်ကြည်ရေးပွဲ ၂ ပွဲ ကစားထားကာ အင်္ဂလန် ယူ ၁၆၊ ယူ ၁၇ နှင့် ယူ ၁၈ တို့တွင်လည်း ပါဝင်ကစားခဲ့ဖူးသူ ဖြစ်သည်။ လက်ရှိအချိန်တွင် အာဖရိကနိုင်ငံများဖလားပွဲအတွက် နိုက်ဂျီးရီးယားနည်းပြ ဒန်နီယဲလ် အေမိုကာချီက ရွေးချယ်ထားသည့် လူစာရင်းတွင် ၀ိုဘီမှာ ပါဝင်သည်။

သို့သော်လည်း လာမည့် သောကြာနေ့ အီဂျစ်အသင်းနှင့် မကစားမီတွင် အင်္ဂလန်က ၎င်းအား ခေါ်ယူနိုင်ခွင့်ရှိနေသည်။ အာဆင်ဝင်းဂါးကလည်း ၀ိုဘီအနေဖြင့် အင်္ဂလန်မှ ခေါ်ယူမှုကို လက်ခံစေလိုသည်။ အင်္ဂလန်က ၀ိုဘီအား ရွေးချယ်သော်လည်း လတ်တလော လက်ရွေးစင်အသင်းတွင် ပါဝင်နိုင်မည်မဟုတ်ချေ။

Ref: Goal

Comments

Leave a Reply