News @ M-Media

ဖက်ရှင်အတွက် ကမ္ဘာ့မွတ်စလင်များ၏ သုံးစွဲမှု ဒေါ်လာ ၂၄၄ ဘီလီယံရှိနေ

မတ် ၂၃၊ ၂၀၁၆
M-Media

fashion

– ကမ္ဘာတစ်ဝှမ်းမှ မွတ်စလင်များ ဖက်ရှင်အတွက် အသုံးပြုမှုမှာ ၂၀၁၅ ခုနှစ် တစ်နှစ်လုံးတွင် ကန်ဒေါ်လာ ၂၄၄ ဘီလီယံ ရှိခဲ့သည်ဟု ကမ္ဘာလုံးဆိုင်ရာ အစ္စလာမ့်စီးပွားရေး လေ့လာမှုအဖွဲ့ Salaam Gateway က ထုန်ပြန်လိုက်သည်။

အိုအိုင်စီအခြေပြု အ၀တ်အစားထုတ်လုပ်သည့်လုပ်ငန်း ၁၀၀၀ ကျော်၊ အစ္စလာမ့်ဖက်ရှင် တံဆိပ် ၁၄၆ ခုနှင့် အီလက်ထရောနစ် အရောင်းဌာန ၈၅ ခုတို့မှ ရရှိသည့် အချက်အလက်များကို လေ့လာဆန်းစစ်ကာ ယခုကဲ့သို့ ထုတ်ပြန်ခဲ့ခြင်းဖြစ်သည်။

မွတ်စလင်အများ ဖက်ရှင်အတွက် သုံးစွဲမှုတွင် modest fashion ဟုခေါ်သည့် အစ္စလာမ့်နည်းကျ ဖက်ရှင်များအပေါ် သုံးစွဲမှုက ပိုမို များပြားသည်။ ထိုကဲ့သို့ သုံးစွဲမှုတွင် အမျိုးသမီးများက အမျိုးသားများထက် ပိုမိုပြီး ၃ ပုံ ၂ ပုံခန့် ရှိသည်။

ယခုနောက်ပိုင်း ဖက်ရှင်လောကတွင် အဓိက ဈေးကွက်တစ်ခုဖြစ်လာသည့် modest fashion များကို ကမ္ဘာတစ်ဝှမ်းရှိ ထင်ရှားသော ဖက်ရှင်ကုမ္ပဏီပေါင်း ၂၅ ခု ထုတ်လုပ်ဖြန့်ချီလျက်ရှိနေပြီး Dolce၊ Gabbana၊ DKNY၊ H&M နှင့် John Lewis တို့ကဲ့သို့ နာမည်ကြီး ဖက်ရှင်ကုမ္ပဏီများကလည်း အစ္စလာမ့်နည်းကျ ဖက်ရှက်လောကအတွင်းသို့ မကြာသေးမီက ၀င်ရောက်လာခဲ့ကြသည်။

Ref: IINA

Comments

Leave a Reply