M-Media
မေလ ၅ ရက်၊ ၂၀၁၆
ရိုဟင်ဂျာစကားလုံးအားအသုံးမပြုဖို့ နိုင်ငံခြားရေးဝန်ကြီးဌာနက အမေရိကန်သံရုံးထံ ယမန်နေ့က တောင်းဆိုလိုက်ပါတယ်။ အမေရိကန်သံရုံးက ရိုဟင်ဂျာဒုက္ခသည်တွေ လှေမှောက်သေဆုံးတာနဲ့ ပတ်သတ်ပြီးဝမ်းနည်းကြောင်း စာထုတ်ပြန်ရာမှာ “ရိုဟင်ဂျာ” ဆိုတဲ့ စကားလုံးကို ထည့်သွင်းအသုံးပြုခဲ့တာကြောင့် မဘသကျောထောက်နောက်ခံ အမျိုးသားရေးဝါဒီတွေက ဧပြီ ၂၈ မှာ ဆန့်ကျင်ဆန္ဒပြခဲ့ပါတယ်။
အမျိုးသားရေးဝါဒီတွေရဲ့ ဖိအားကြောင့် နိုင်ငံခြားရေးဝန်ကြီးဌာနက အခုလို တောင်းဆိုလိုက်ခြင်းဖြစ်တယ်လို့ သုံးသပ်နိုင်ပါတယ်။
နိုင်ငံခြားရေးဝန်ကြီးဌာနရဲ့ လက်ထောက်ဒါရိုက်တာဂျင်နရယ် ဦးစိုးလင်းဟန်က အမေရိကန်သံရုံးကို ရိုဟင်ဂျာဆိုတဲ့စကားလုံး နောက်နောင်မသုံးဖို့ တောင်းဆိုထားကြောင်း အတည်ပြု ပြောကြားပါတယ်။ အကြောင်းပြချက်ကတော့ အဲဒီစကားလုံးကြောင့် အမျိုးသားပြန်လည်ရင်ကြားစေ့ဖို့အခက်အခဲဖြစ်နိုင်ကြောင်းနဲ့ အမေရိကန်သံရုံးက တောင်းဆိုမှုကို လက်ခံရရှိတဲ့အကြောင်း ပြန်ပြောခဲ့တယ်လို့လည်း ဆိုပါတယ်။
ဒီလိုဆုံးဖြတ်ဖို့ ထိပ်သီးအစည်းအဝေးတစ်ရပ်ကျင်းပခဲ့တဲ့အကြောင်း၊ အဲဒိအစည်းအဝေးကနေ အပေါင်းလက္ခဏာဆောင်တဲံ ရလဒ်တွေ ရရှိခဲ့တဲ့အကြောင်း ၊ ဒါပေမယ့် သူ့အနေနဲ့ အစည်းအဝေးအကြောင်းအသေးစိတ်ကိုတော့ မပြောပြနိုင်ကြောင်း ဦးစိုးလင်းဟန်က ဆိုပါတယ်။
ဒါ့အပြင် ဒီလိုမျိုး ရိုဟင်ဂျာစကားလုံးမသုံးစွဲရေးပေါ်လစီဟာ အစိုးရရဲ့တရားဝင်ပေါ်လစီဖြစ်သလား၊ သံရုံးတိုင်းကို အဲဒီစကားလုံးမသုံးဖို့ လမ်းညွှန်မှာလားဆိုတဲ့မေးခွန်းကိုတော့ ဦးစိုးလင်းဟန်က သူ့အနေနဲ့ အသေအချာမဖြေဆိုနိုင်ကြောင်း ပြောကြားခဲ့ပါတယ်။
၂၀၁၄ ခုနှစ် မြန်မာပြည်ကို အမေရိကန်သမ္မတအိုဘားမားလာစဉ် ရိုဟင်ဂျာဆိုတဲ့စကားလုံးကို သုံးစွဲခဲ့သလို ရိုဟင်ဂျာဒုက္ခသည်တွေကိစ္စကို အမေရိကန်သံရုံးနဲ့ သမ္မတအိုဘားမားတို့က ပြောကြားတိုင်း ရိုဟင်ဂျာဆိုတဲ့စကားလုံးကိုသာ အကြိမ်များစွာ သုံးစွဲခဲ့ကြပါတယ်။
Leave a Reply
You must be logged in to post a comment.