မေ ၁၀၊ ၂၀၁၆
M-Media
– လက်စတာစီးတီးအသင်း ပရီးမီးယားလိဂ်ချန်ပီယံဖြစ်ရာတွင် နည်းပြရာနီယေးရီက ဖေဖော်ဝါရီလ၌ အသင်းသားများကို အနားပေးခြင်းမှာ အဓိကအကြောင်းအရင်းတစ်ရပ်အဖြစ် ပါဝင်သည်ဟု တိုက်စစ်မှူး ဂျာမီဗာဒီက ပြောကြားလိုက်သည်။
ဖေဖော်ဝါရီ ၁၄ ရက်နေ့တွင် အာဆင်နယ်အသင်းအား ၂ ဂိုး ၁ ဂိုးဖြင့် ရှုံးနိမ့်ခဲ့ပြီးနောက် ရာနီယေးရီမှာ ဖေဖော်ဝါရီ ၂၇ ရက်နေ့ နော်ဝစ်ခ်ျနှင့်ကစားမည့်ပွဲမတိုင်ခင် အသင်းသားများအား အပိုအားလပ်ရက် ပေးခဲ့သည်။ ထိုအဖြစ်အပျက်နောက်ပိုင်း ကစားသည့် ၁၁ ပွဲတွင် လက်စတာမှာ ၈ ပွဲအထိ အနိုင်ရရှိခဲ့ပြီး ပရီးမီးယားလိဂ်ကိုပါ ဆွတ်ခူးနိုင်ခဲ့သည်။
ဗာဒီကမူ နည်းပြ၏ ထိုလုပ်ရပ်ကို ချီးကျူးခဲ့သည်။
“ကျွန်တော်တို့ FA ဖလားက ထွက်ခဲ့ရပြီးနောက်ပိုင်း ပုံမှန်ပြန်မဖြစ်ခင်မှာ အရာရာတိုင်းကိုမေ့ပစ်ဖို့၊ အားသစ်လောင်းဖို့ သူ(နည်းပြ) က တစ်ပတ်တာ အားလပ်ရက်ပေးခဲ့ပါတယ်။ ကျွန်တော်တို့လည်း အားဖြည့်ပြီး တစ်သင်းလုံး ဒူဘိုင်းကို သွားခဲ့ကြပါတယ်။ ဒါ့ကြောင့် အားသစ်တွေပြည့်ပြီး ပြန်လာနိုင်ခဲ့တဲ့ အဲဒီအချိန်က ပရီးမီးယားလိဂ်ဖလား ရရှိဖို့အတွက် အရေးပါတဲ့ အခန်းကဏ္ဍက ပါဝင်ခဲ့ပါတယ်”
Ref: Goal
Leave a Reply
You must be logged in to post a comment.