News @ M-Media

ဒုက္ခသည်ကလေးများ ပညာရေးအတွက် ရန်ပုံငွေအစီအစဉ် ကုလစတင်မည်

မေ ၁၈၊ ၂၀၁၆
M-Media

rfugee fund

– လူသားချင်းစာနာထောက်ထားမှုဆိုင်ရာ အရေးပေါ်အခြေအနေတွေနဲ့ ပဋိပက္ခတွေကို ရင်ဆိုင်နေရတဲ့ ကလေးငယ်တွေကို ပညာသင်ကြားမှုအခွင့်အလမ်း ပေးအပ်နိုင်ဖို့အတွက် ရန်ပုံငွေအစီအစဉ်တစ်ခု ဖန်တီးမယ်လို့ ကုလသမဂ္ဂ ကမ္ဘာ့ပညာရေးဆိုင်ရာ အထူးကိုယ်စားလှယ် ဂေါ်ဒွန် ဘရောင်းက တနင်္လာနေ့မှာ ကြေငြာလိုက်ပါတယ်။

အဲဒီအစဉ်အစဉ်ကို လာမယ့်တစ်ပတ် တူရကီနိုင်ငံ အစ္စတန်ဘူလ်မြို့မှာ ကျင်းပမယ့် ကမ္ဘာ့လူသားချင်းစာနာထောက်ထားမှုဆိုင်ရာ ထိပ်သီးအစည်းအဝေးမှာ စတင်မှာ ဖြစ်ပါတယ်။ ဒါဟာ ယူနီဆက်ဖ်၊ ယူနက်စကို၊ UNHCR စတဲ့ သုံးဖွဲ့အပြင် ကမ္ဘာ့ဘဏ်၊ ပညာရေးဆိုင်ရာ ကမ္ဘာ့မိတ်ဖက်အဖွဲ့ (GPE) နဲ့ ကမ္ဘာ့အလှူရှင်များအကြား သုံးနှစ်တာပူးပေါင်းဆောင်ရွက်အားထုတ်မှုရဲ့ အကျိုးရလဒ်တစ်ခုလည်း ဖြစ်ပါတယ်။

ဒီစီမံကိန်းမှာ နောက်ငါးနှစ်အတွက် ဒေါ်လာ ၃.၈၆ ဘီလီယံ လိုအပ်မယ်လို့ ဘရောင်းက ဆိုပြီး ဆီးရီးယားကလေးငယ်တွေ တူရကီ၊ လက်ဘနွန်နဲ့ ဂျော်ဒန်က ကျောင်းတွေမှာ တက်ရောက်ပညာသင်ကြားနိုင်ဖို့အရေး ဒီတစ်နှစ်စာကိုပဲ ဒေါ်လာ သန်း ၈၀၀ လောက် ကုန်ကျနိုင်တယ်လို့ ထည့်သွင်းပြောကြားခဲ့ပါတယ်။

ကုလသမဂ္ဂဦးဆောင်တဲ့ အခုစီမံကိန်းမှာ နိုင်ငံအမြောက်အများက အလှူရှင်တွေနဲ့ ကုမ္ပဏီ ၆၀ ရဲ့ ထောက်ပံ့မှုတွေ ရရှိထားပြီး၊ စက်တင်ဘာ ကျောင်းဖွင့်ရာသီအစမှာပဲ ရှင်းလင်းပြတ်သားတဲ့ ပန်းတိုင်တစ်ခု သတ်မှတ်နိုင်ဖို့ ရည်ရွယ်ထားပါတယ်။

ကုလသမဂ္ဂက ကမ္ဘာတစ်ဝှမ်း နေရပ်စွန့်ခွာရတဲ့ ကလေးငယ် သန်း ၃၀ ၀န်းကျင်မှာ သန်း ၂၀ လောက်က ကျောင်းနေအရွယ်တွေဖြစ်ပြီး၊ လူသားချင်းစာနာထောက်ထားမှုဆိုင်ရာ အရေးပေါ်အကူအညီလိုအပ်တဲ့နေရာတွေနဲ့ ပဋိပက္ခဖြစ်ပွားရာ ဒေသတွေမှာ နေထိုင်တဲ့ ကလေးငယ် စုစုပေါင်း ၇၅ သန်းကတော့ ပညာသင်ယူမှုမှာ အကန့်အသတ်တွေ ရှိနေတယ်လို့ ဆိုပါတယ်။

Ref : IINA

Comments

Leave a Reply