7Day News Journal မှ ကူးယူဖော်ပြပါသည်။
ကျောက်ပန်းတောင်းမြို့ သို့ အမျိုးဘာသာသာသနာလှုံ့ ဆော်ရေးသီချင်းများဖွင့်၍ ရေလာလှူသော အဖွဲ့ကို မြို့ဒေသခံ များက လက်မခံဘဲ မောင်းထုတ် လိုက်ကြောင်း သတင်းရရှိသည်။
မေလ ၁၇ ရက်တွင် မိတ္ထီလာ မြို့မှ နေလ ကုန်စည်ရောင်းဝယ် ရေးအမည်ခံ၍ လူ ၂၅ ဦးခန့်သည် ကျောက်ပန်းတောင်းမြို့သို့ ကားကိုးစီးဖြင့် ရေလာလှူခဲ့သည်။ ရေလာလှူသောအဖွဲ့သည် အရက် မူးနေပြီး ၉၆၉ သီချင်းများဖွင့်သော ကြောင့် မြို့ဒေသခံများက လက်မခံဘဲ မောင်းထုတ်လိုက်ခြင်းဖြစ် ကြောင်း သတင်းရရှိသည်။
ရေလှူသော အဖွဲ့သည် ကျောက်ပန်းတောင်းမြို့နယ် လက်ပံပင်ကျေးရွာသို့ သွားရောက်ရေလှူရာတွင် ၉၆၉ သီချင်းများဖွင့်သောကြောင့် ယင်းကျေးရွာရှိ ဒေသခံများကလည်း ရေသယ်ယူခြင်းမရှိခဲ့ကြောင်း ကျောက်ပန်းတောင်းမြို့ဒေသခံ ကိုဟိန်းဇော်က ပြောသည်။
‘‘သူတို့လာတုန်းက နေလ ကုန်စည်နာမည်နဲ့လာတာ။ သူတုိ့ က ရေလှူချင်တယ်ပြောတယ်။ ဒီက ပရဟိတအဖွဲ့တွေကို ကူညီ ပေးဖို့ အကူအညီတောင်းတာ ပေါ့။ ၉၆၉ သီချင်းဖွင့်ချင်တယ်လို့ ပြောလာတယ်။ ကျွန်တော်တို့က ဒါတော့လက်မခံဘူး မဖွင့်ပါနဲ့လို့ တားတယ်။ အစက လက်ခံတယ်။ အဲဒါနဲ့ လက်ပံပင်ရွာကို လိုက်ပို့ တယ်။ ရွာဘက်ကို ရေသွားလှူ တော့ ၉၆၉ သီချင်းတွေဖွင့်ပြီး က ကြတာ။ အဲဒါနဲ့ ကျွန်တော်တို့က လိုက်တားရတာပေါ့။ ရေလှူတာ ကို လက်မခံဘူးလို့၊ ပြန်ပါလို့ပြော ရတာပေါ့’’ ဟု ကိုဟိန်းဇော်က ပြောသည်။
ယင်းသို့ ရေလှူခြင်းကိုလက်မခံသောကြောင့် နှစ်ဖက် အပြန်အလှန် စကားများမှုများ ရှိခဲ့ကြောင်း သတင်းရရှိသည်။
‘‘သူတို့က ပဲရုံဆိုက်နဲ့လာတာ။ ရေလှူမယ်လုပ်တော့ ၉၆၉ သီချင်းတွေဖွင့်တာ။ မြို့က လက်မခံဘူးဆိုတော့ နည်းနည်းလေး စကားများကြတာပေါ့။ ဒေသခံတွေကလည်း ရေလာလှူတာကို လူပုဂ္ဂိုလ်ဆိုပြီးတော့ လက်ခံတာ ပေါ့။ ဒီလိုမျိုးသီချင်းတွေဖွင့်ရင် လက်မခံဘူးပြောလို့ ပုပ္ပားတောင် ဘက်ကို မောင်းသွားကြတယ်’’ဟု ကျောက်ပန်းတောင်း မြို့နယ် ဒီချုပ်ပါတီမှ တိုင်းဒေသကြီးလွှတ် တော်ကိုယ်စားလှယ် ဦးအေးခိုင်က ပြောသည်။
ပြီးခဲ့သည့် နှစ်ကလည်း ၉၆၉ သီချင်းများနှင့် မဘသ သီချင်းများ ဖွင့်၍ ကျောက်ပန်းတောင်းမြို့ တွင် ခေတ္တနားခိုသော အဖွဲ့တစ် ဖွဲ့ကို ဒေသခံများက လက်မခံဘဲ မောင်းထုတ်ခဲ့သည်။
https://www.facebook.com/7daynews/photos/a.143690359025940.27935.103865773008399/1161914133870219/?type=3&theater
Leave a Reply
You must be logged in to post a comment.