ဇွန် ၂၊ ၂၀၁၆
M-Media
– ကမ္ဘာ့ကျန်းမာရေးအဖွဲ့ချုပ် (WHO) က ဇီကာဗိုင်းရပ်စ်ပျံ့ပွားမှုကို တုန့်ပြန်ဖို့အတွက် အမှန်တကယ်လိုအပ်တဲ့ ငွေကြေးရဲ့ ၁၃ ရာခိုင်နှုန်းသာ မိမိတို့ လက်ခံရရှိထားတယ်လို့ အခုတစ်ပတ်အစောပိုင်းမှာ ကြေငြာလိုက်ပါတယ်။
ဇီကာဗိုင်းရပ်စ်ကို တိုက်ဖျက်ဖို့အတွက် WHO အပါအ၀င် အခြားသော ကုလသမဂ္ဂအဖွဲ့အစည်းတွေကလည်း ဒေါ်လာ ၅၆ သန်းကျော် တောင်းဆိုထားကြတာဖြစ်ပေမယ့် ထောက်ပံ့မယ်လို့ အတည်ပြုထားတာကတော့ ၁၇.၇ သန်းသာရှိနေသေးကာ အဲဒီအထဲမှာမှ ၂.၃ သန်းသာ ရရှိတာ ဖြစ်ပါတယ်။
WHO ကတော့ ဒါဟာ တော်တော်လေးကို နည်းနေတာကြောင့် ငွေကြေးသုံးစွဲမယ့် အစီအစဉ်ကို ပြန်လည်အသစ်ရေးဆွဲပြီး လိုအပ်ချက်အရှိဆုံးနေရာတွေမှာသာ အလှူငွေတွေကို ကန့်သတ်သုံးစွဲသွားဖို့ ဦးစားပေးအစီအစဉ် ချမှတ်ခဲ့ပါတယ်။
အဆိုပါဗိုင်းရပ်စ်ကို လေ့လာဖို့၊ ပျံ့နှံ့မှုကိုတားဆီးဖို့အတွက် နည်းလမ်းရှာဖို့၊ ဆေးဝါးတွေထုတ်လုပ်ဖို့ စတဲ့ စီမံကိန်းတွေအတွက် WHO က နိုင်ငံတကာမှာ သိပ္ပံနည်းကျ သုတေသနတွေ ပူးပေါင်းလုပ်ဆောင်လျက်ရှိနေတယ်လို့ သိရပါတယ်။
Ref: IINA
Leave a Reply
You must be logged in to post a comment.