ဇွန် ၁၄၊ ၂၀၁၆
M-Media
– ပါကစ္စတန်နိုင်ငံ အနောက်မြောက်ပိုင်း ပန်ဂျပ်ဘ်ပြည်နယ်က မွတ်စလင်ရွာသားတွေဟာ ငွေကြေးချို့တဲ့တဲ့ အိမ်နီးချင်းခရစ်ယာန်မိတ်ဆွေတွေအတွက် ခရစ်ယာန်ဘုရားကျောင်းတစ်ခု တည်ဆောက်ဖို့ ရန်ပုံငွေရှာဖွေပေးမှု၊ လုပ်အားစိုက်ထုတ်မှုတွေ ပြုလုပ်ပေးနေတယ်လို့ သိရပါတယ်။
ပါကစ္စတန်နိုင်ငံရဲ့ အထည်လိပ်စက်ရုံများတည်ရှိရာ ဖိုင်ဆာလာဘဒ်ဆိုတဲ့ရွာလေးမှာ ပေါ်ထွက်လာခဲ့တဲ့ အဲဒီလှုပ်ရှားမှုကို မွတ်စလင်ရွာသားတွေက အီစတာပွဲတော်မတိုင်ခင်မှာ စတင် ဆောင်ရွက်ပေးခဲ့တာ ဖြစ်ပါတယ်။
“ရွာထဲမှာ ခရစ်ယာန်လူဦးရေဟာ အလွန်နည်းပါးပြီး မိသားစု ၂၀ လောက်သာ ရှိပါတယ်၊ သူတို့မှာ ၀တ်ပြုဆုတောင်းဖို့အတွက် နေရာမရှိကြပါဘူး” လို့ ဒေသခံဘုန်းတော်ကြီး ဖာသာ အဖ်တဘ် ဂျိမ်းစ်က ပြောကြားခဲ့ပါတယ်။
နောက်ပြီး ရွာထဲက ခရစ်ယာန်တွေအနေနဲ့ နေ့ထူးနေ့မြတ်တွေမှာ ၀တ်ပြုဆုတောင်းဖို့ တစ်ယောက်ယောက်ရဲ့ နေအိမ် ဒါမှမဟုတ် အခြားနေရာတစ်ခုခုကို အသုံးပြုရတယ်လို့လည်း ဖာသာက ထပ်လောင်း ပြောကြားခဲ့ပါတယ်။
“ဒါပေမယ့် ဒီက ရွာခံမွတ်စလင်တွေဟာ သူတို့ရဲ့ ခရစ်ယာန်အိမ်နီးချင်းတွေအတွက် လက်ဆောင်အဖြစ် ဘုရားဝတ်ပြုဆောင်လေးတစ်ခု ဆောက်ပေးဖို့ ကမ်းလှမ်းလာကြပါတယ်။ ဒီလိုအပြုအမူမျိုးအတွက် ကျွန်တော်တို့ရဲ့ မွတ်စလင်ညီအကိုတွေကို အထူးကျေးဇူးတင်ရှိပါတယ်။ ပြီးတော့ ကျွန်တော်တို့ ဂုဏ်လည်းယူပါတယ်”
အဲဒီ ခရစ်ယာန်ဘုရားကျောင်းဆောက်လုပ်ဖို့အတွက် ပါကစ္စတန် ရူပီး ၇ သိန်းလောက်ကုန်ကျမယ်လို့ ခန့်မှန်းထားပြီး လက်ရှိအချိန်မှာတော့ မွတ်စလင်တွေက ၁ သိန်းခွဲလောက်အထိ ရရှိအောင် ဆောင်ရွက်ထားနိုင်ပြီဖြစ်ပါတယ်။
ရန်ပုံငွေရရှိရေးလှုပ်ရှားမှုမှာ ပါဝင်နေတဲ့ မွတ်စလင်တစ်ဦးဖြစ်သူ မီအန် အီဂျက်ဇ်က အလယ်အလတ် ၀တ်ပြုဟောခန်းတစ်ခုနဲ့ နောက်ထပ် အခန်းတစ်ခုပါဝင်မယ့် အဲဒီ ဘုရားကျောင်းလေး တည်ဆောက်ဖို့အတွက် ရန်ပုံငွေအားလုံးကို မိမိတို့ကသာ ရှာဖွေစုဆောင်းပေးသွားမှာဖြစ်တယ်လို့ ပြောကြားခဲ့ပါတယ်။
“ရွာထဲမှာ ဗလီ ၄ လုံးရှိနေပြီး ခရစ်ယာန်တွေကတော့ ၀တ်ပြုဖို့ နေရာမရှိပါဘူး။ သူတို့အများစုဟာ ဆင်းရဲကြတယ်။ ပြီးတော့ သူတို့ကိုယ်ပိုင် ဘုရားကျောင်းဆောက်လုပ်ဖို့အတွက်လည်း ရန်ပုံငွေ မရှိရှာပါဘူး။ ပါကစ္စတန်ဟာ အစွန်းရောက်တွေရဲ့ နိုင်ငံမဟုတ်ဘဲ ဘာသာရေးသည်းခံမှုနဲ့ သဟဇာတဖြစ်မှုကို မြတ်နိုးခုံမင်ကြသူတွေရှိတဲ့ တိုင်းပြည်ဖြစ်တယ်ဆိုတာ ကျွန်တော်တို့ ကမ္ဘာကြီးကို ချပြချင်ပါတယ်။ အစွန်းရောက်တွေဟာ လူတစ်စုသာ ဖြစ်ပါတယ်”
Ref : IINA
Leave a Reply
You must be logged in to post a comment.