News @ M-Media

မြန်မာ-ထိုင်းကုန်သွယ်မှု လာမည့်နှစ်တွင် ၂ ဆတိုးမည်

ဇွန် ၃၀၊ ၂၀၁၆
M-Media

thai

– အိမ်နီးချင်း ထိုင်းနိုင်ငံနှင့် ကုန်သွယ်မှုကို ၂ ဆတိုးရန် သဘောတူညီချက် ရရှိခဲ့သည်ဟု မြန်မာအစိုးရက ယမန်နေ့တွင် ကြေငြာခဲ့ပြီး နှစ်နိုင်ငံဆက်ဆံရေး ခိုင်မာရန် ဆောက်ရွက်မှုအတွင်း နောက်ဆုံးပေါ်ထွက်လာသည့် ရလဒ်လည်းဖြစ်သည်။

ထိုင်းဒုတိယ၀န်ကြီးချုပ်နှင့် ကာကွယ်ရေးဝန်ကြီး ပရာဝစ် ၀ွန်ဆူဝမ် နေပြည်တော်သို့ လာရောက်လည်ပတ်စဉ်အတွင်း ၂၀၁၇ ခုနှစ်တွင် နှစ်နိုင်ငံကုန်သွယ်ရေး ကန်ဒေါ်လာ ၂၀ ဘီလီယံအထိ ရောက်ရှိရန် သတ်မှတ်ခဲ့ခြင်းဖြစ်သည်ဟု သမ္မတရုံးမှ ပြောရေးဆိုခွင့်ရှိသူ ဦးဇော်ဌေးက ပြောကြားခဲ့သည်။

“၂၀၁၇ ခုနှစ်မှာ မြန်မာနဲ့ ထိုင်းအကြား ကုန်သွယ်မှုပမာဏဟာ ဒေါ်လာ ၂၀ ဘီလီယံအထိ မြှင့်တင်သွားဖို့ ထိုင်းဒုတိယ၀န်ကြီးချုပ်နဲ့ ကျွန်တော်တို့ ဆွေးနွေးခဲ့ကြပြီး နှစ်ဖက်စလုံးက သဘောတူညီခဲ့ကြပါတယ်”

ထို့ပြင် လက်ရှိတွင် နှစ်နိုင်ငံကုန်သွယ်ရေးပမာဏမှာ ၁၀ ဘီလီယံရှိနေသည်ဟု ၎င်းက ထည့်သွင်းပြောဆိုခဲ့သည်။

ကုန်သွယ်ရေးဝန်ကြီးဌာန၏ အချက်အလက်များအရ မြန်မာနှင့် ထိုင်းနိုင်ငံတို့အကြား နယ်စပ်ကုန်သွယ်ရေးမှာ တစ်ဖြည်းဖြည်း တိုးတက်ခဲ့ပြီး ၂၀၁၄-၁၅ ဘဏ္ဍာရေးနှစ်တွင် ကန်ဒေါ်လာ သန်း ၈၀၀ အထိ ရောက်ရှိကာ ထိုပမာဏမှာ ဒေါ်လာ သန်း ၆၀၀ ရှိခဲ့သည့် ၂၀၁၂-၁၄ ဘဏ္ဍာရေးနှစ်နှင့် နှိုင်းယှဉ်ပါက ၃ ပုံ ၁ ပုံ တက်လာခြင်း ဖြစ်သည်။

သမ္မတ ဦးထင်ကျော်၊ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည့်တို့နှင့် တွေ့ဆုံခဲ့သည့် ထိုင်းဒုတိယ၀န်ကြီးချုပ်မှာ နှစ်နိုင်ငံနယ်စပ်အရေးကိစ္စများ အဖြေရှာရေး ပြန်လည်လုပ်ဆောင်ရန်လည်း ဆွေးနွေးခဲ့ကြသည်။

ပြီးခဲသည့် တစ်ပတ်က ဒေါ်အောင်ဆန်းစုကြည် ထိုင်းနိုင်ငံသို့ သွားရောက်စဉ်က သူမနှင့် ထိုင်းဝန်ကြီးချုပ်တို့မှာ ကျန်ရှိနေသည့် နယ်စပ်ပြဿနာများ ဖြေရှင်းရေး ပူးပေါင်းကော်မတီတစ်ရပ် ဖွဲ့စည်းရန် သဘောတူညီခဲ့ကြသည်။

Ref: mmtimes

Comments

Leave a Reply