သြဂုတ် ၁၅၊ ၂၀၁၆
M-Media
မိုးစက်
ရန်ကုန်။ ။ ဧရာဝတီတိုင်း ကျောင်းကုန်းမြို့နယ် ရေကြီးမှု ဒုက္ခကြုံတွေနေရပြီး အညှာတန်း၊ ထောင်ကြီး၊ တံတားဦး အစရှိသည့် ရွာများတွင် ရေကြီးနေသည်မှာ ကြာပြီဖြစ်သော်လည်း ယနေ့တိုင် အကူအညီများ မရရှိသေးကြောင်း ဒေသခံများက ဆိုပါတယ်။
“အဲ့ရွာတွေက ကျောင်းကုန်းကနေ အထဲကို တော်တော်လေးဝင်ရတယ်။ စက်လှေ တစ်နာရီခွဲ နှစ်နာရီလောက်စီးမှ ရောက်တဲ့နေရာဆိုတော့ လူအစသိနည်းနေပြီး အရောက်အပေါက် နည်းနေတာပါ။ အဲ့ရွာတွေက လူတွေလည်း အကူအညီမရသေးတော့ တော်တော်လေး အခက်ကြုံနေရတယ်” လို့ ဒေသခံ တစ်ဦးက ဆိုပါတယ်။
ရေကြီးနေသော ရွာများမှာ များပြားနေသောကြောင့် ကယ်ဆယ်ရေးစခန်းများတွင်လည်း လူမဆံ့ဖြစ်နေသောကြောင့် မိမိတို့ မူလအိမ်တွင်သာ ရေလွတ်အောင် မြှင့်ပြီးနေနေကြကြောင်းလည်း သိရပါတယ်။
ကျောင်းကုန်းမြို့နယ်တွင် ရွာပေါင်း (၂၀၀) ကျော်အနက် ရွာပေါင်း (၁၈၀) ကျော်ရေမြုပ်နေပြီး ကားလမ်းဘေးတွင် ယာယီဖွင့်ထားသော ကယ်ဆယ်ရေးစခန်းများသာ အကူအညီရနေကြပြီး အတွင်းကျသော ရွာများသို့ အကူအညီများ မရောက်သေးကြောင်း သိရပါတယ်။
အဆိုပါ ရွာများကို ဆက်သွယ်လှူဒါန်းလိုပါက ဒေသခံတစ်ဦးဖြစ်သူ ကိုတင်မောင်ဝင်း (၀၉၉၇၅၁၆၆၅၃၀) ကို ဆယ်သွယ်မေးမြန်းနိုင်ပါတယ်။
Leave a Reply
You must be logged in to post a comment.