သြဂုတ် ၂၅၊ ၂၀၁၆
M-Media
– အစ္စလာမ်ဘာသာဝင်တစ်ဦးအနေဖြင့် တစ်သက်တွင်တစ်ခါ ဖြည့်ဆည်းရမည့် ဘာသာရေးတာဝန်ကို ထမ်းဆောင်ရေးအတွက် တရုတ်မွတ်စလင်တစ်ဦးမှာ စက်ဘီးဖြင့် ကီလိုမီတာပေါင်း ၈၁၅၀ အကွာအဝေးရှိသည့် ခရီးကို ကျော်ဖြတ်ကာ ဆော်ဒီအာရေဗျသို့ ဟဂ်ျပြုရန် ရောက်ရှိလာခဲ့သည်။
မိုဟာမက်ဟု အမည်ရသည့် အဆိုပါ မွတ်စလင်အမျိုးသားမှာ ၎င်း၏ဇာတိ ဇင်ကျန်းပြည်နယ်မှ ထွက်ခွာလာခြင်းဖြစ်ပြီး ၂ လတာ ကြာမြင့်ခဲ့ကာ တာအစ်ဖ်သို့ရောက်ရှိစဉ် ဒေသတွင်း စက်ဘီးစီးအသင်းက ကြိုဆိုကာ မက္ကာဟ်သို့ ဆက်လက် ခရီးဆက်ခဲ့ကြသည်။
“ကျွန်တော်တို့ဟာ တရုတ်စက်ဘီးသမားကို ကြိုဆိုရတဲ့ ပထမဆုံး စက်ဘီးစီးအသင်း ဖြစ်ပါတယ်၊ သူ့ကို တခြားစက်ဘီးအသင်းတွေဆီ ခေါ်သွားဖို့လည်း ရည်ရွယ်ထားပြီး သူတို့အခြေစိုက်တဲ့ မြို့တွေကိုလည်း လိုက်ပို့ပေးမှာ ဖြစ်ပါတယ်” ဟု တာအစ်ဖ် စက်ဘီးစီးအသင်း၏ ဥက္ကဌဖြစ်သူ နာယက်ဖ် အလ်-ရာဝက်စ်က ပြောကြားခဲ့သည်။
တရုတ်နိုင်ငံ သာသနာရေးဝန်ကြီးဌာန (SARA) က ယခုနှစ်တွင် တရုတ် မွတ်စလင် ၁၄၅၀၀ ခန့် ဟဂ်ျဘုရားဖူးခရီး သွားရောက်မည်ဟု ကြေငြာခဲ့သည်။ လက်ရှိတွင် စုစုပေါင်း တရုတ်လူမျိုး ဟဂ်ျဘုရားဖူးခရီးသည် ၁၁၀၀၀ ခန့်မှာ မက္ကာဟ်သို့ ရောက်နှင့်နေပြီးဖြစ်ကြောင်း စင်ဟွာသတင်းဌာနက ဖော်ပြခဲ့သည်။
၂၀၀၇ ခုနှစ်ကလည်း ခြေချင်းညာဒေသမှ အသက် ၆၃ နှစ်အရွယ် မွတ်စလင်အမျိုးသားတစ်ဦးမှာ ကီလိုမီတာပေါင်း ၁၂၀၀၀ ခန့်ကို စက်ဘီးဖြင့်ဖြတ်ကာ မက္ကာဟ်သို့ လာရောက်ဟဂ်ျပြုခဲ့သည်။
Ref : IINA
Leave a Reply
You must be logged in to post a comment.