နိုဝင်ဘာ ၂၅၊ ၂၀၁၆
M-Media
– နိုင်ငံတကာ လူသားချင်းစာနာထောက်ထားမှုဆိုင်ရာ ကူညီထောက်ပံ့မှု အစိတ်အပိုင်းအဖြစ် အာရပ်စော်ဘွားပြည်ထောင်စု (ယူအေအီး) လခြမ်းနီအဖွဲ့ (ERC) က ဆီးရီးယားစစ်ဘေးရှောင် ဒုက္ခသည်များအတွက် ဂရိတွင် ဒုက္ခသည်စခန်းနှစ်ခုကို ဖွင့်လှစ်ပေးခဲ့သည်ဟု သိရသည်။
ယူအေအီးသမ္မတ၏ နောက်ပိုင်းဒေသ ကိုယ်စားလှယ်ဖြစ်သူ ရှိခ် ဟမ်ဒန် ဘင် ဇာယစ် အလ် နဟ်ယန်က လူသားချင်း စာနာထောက်ထားမှုဆိုင်ရာ အစီအစဉ်များ၊ ဖွံ့ဖြိုးရေး စီမံကိန်းများမှတစ်ဆင့် ဆီးရီးယား ပြည်တွင်းစစ်ကြောင့် ထိခိုက်ခံစားရသည့် မိမိတို့ ညီအစ်ကို မောင်နှမများအတွက် တာဝန်များကို မိမိတို့က ဆက်လက်ရယူသွားမည်ဟု ထပ်လောင်း ပြောကြားခဲ့သည်။
အေသင်မြို့ မိုင် ၃၆၀ အကွာ လာရစ်ဆာဒေသတွင် တည်ရှိသည့် ပထမစခန်းတွင် လူ ၂၀၀၀ ခန့် နေထိုင်နိုင်မည့် အိမ်ယာ ၃၃၁ ခု၊ ဆေးခန်းတစ်ခု၊ ပန်းခြံများနှင့် ပညာရေးနှင့် အားကစားပြုလုပ်နိုင်မည့် အဆောက်အဦးများလည်း ပါဝင်သည်။ အေသင်အနီးတွင်ရှိသည့် ဒုတိယစခန်းမှာမူ လူ ၁၀၀၀ နီးပါးနေထိုင်နိုင်မည့် အိမ်ယာ ၁၅၉ ခု နှင့် အလားတူ အဆောက်အဦးများ ပါဝင်သည်။
အဆိုပါ ဒုက္ခသည်စခန်းများ ဖွင့်ပွဲအခမ်းအနားသို့ ERC မှ ကိုယ်စားလှယ်အဖွဲ့၊ ဂရိနိုင်ငံဆိုင်ရာ ယူအေအီး သံအမတ်ကြီး ဆူလ်တန် မဂျစ် အလီနှင့် ဂရိတာဝန်ရှိသူများ တက်ရောက်ခဲ့သည်။
ယူအေအီးမှာ ပြီးခဲ့သည့် စက်တင်ဘာလကလည်း လာမယ့် ၅ နှစ်အတွင်း ဆီးရီယားဒုက္ခသည် ၁၅၀၀၀ ကို လက်ခံမည်ဟု ကြေငြာခဲ့သည်။
Ref : IINA