ဒီဇင်ဘာ ၁၈၊ ၂၀၁၆
M-Media
– ပြီးခဲ့သည့်လအနည်းငယ်အတွင်း ကက်ရ်ှမီးယားဒေသအရေး နှစ်ဖက်တင်းမာမှုများကြောင့် ဘောလီးဝုဒ်ရုပ်ရှင်များ ပြသခွင့် ပိတ်ပင်ထားမှုကို ပါကစ္စတန်အစိုးရက ရုပ်သိမ်းလိုက်သည်ဟု သိရသည်။
စက်တင်ဘာ ၁၉ ရက်နေ့တွက် အိန္ဒိယက ထိန်းချုပ်ထားသော ကက်ရ်ှမီးယားဒေသရှိ စစ်စခန်းကို လက်နက်ကိုင်များက တိုက်ခိုက်မှုကြောင့် အိန္ဒိယစစ်သား ၁၉ ဦး သေဆုံးခဲ့ပြီးနောက်ပိုင်း အိန္ဒိယနှင့် ပါကစ္စတန်တို့မှာ အပြန်အလှန်ပြစ်တင်မှုများ၊ ပစ်ခတ်မှုများ ဖြစ်ပွားခဲ့ပြီး နိုင်ငံရေးအရ တင်းမာမှုများ မြင့်တက်ခဲ့သည်။
ထိုအဖြစ်အပျက်ကြောင့် ဘောလီးဝုဒ် ထုတ်လုပ်သူများက ပါကစ္စတန်သရုပ်ဆောင်များကို လက်မခံဟု ကြေငြာခဲ့ပြီးနောက် ပါကစ္စတန်ကလည်း ဘောလီးဝုဒ်ရုပ်ရှင်များကို ပါကစ္စတန်တွင် မပြရဟု အမိန့်ထုတ်ခဲ့သည်။
သို့သော်လည်း ယခုတွင်မူ ထိုပိတ်ပင်ထားချက်အား ပါကစ္စတန်အစိုးရက ရုပ်သိမ်းခဲ့သည်။
“ဒါဟာ ငြိမ်းချမ်းရေးနဲ့ သဟဇာတဖြစ်ရေးအတွက် ခြေလှမ်းတစ်ခုပါပဲ။ နှစ်နိုင်ငံလုံးကပြည်သူတွေကို သွားမေးကြည်လိုက်ဗျ။ ရန်ဖြစ်နေပေမယ့် ကုန်သွယ်မလားဆိုရင် ‘သွယ်မယ်’ လို့ဖြေကြမှာပါ။ နှစ်နိုင်ငံစလုံးမှာ ကျွန်တော်တို့ဟာ အစွန်းရောက်ဝါဒတွေကို တိုက်ဖျက်ဖို့ လိုပါတယ်” ဟု ကာရာချီအခြေစိုက် Atrium ရုပ်ရှင်လုပ်ငန်းအကြီးအကဲ နဒီမ်း မန်ဗီဝါလာက ပြောကြားခဲ့သည်။
ဘောလီးဝုဒ်ရုပ်ရှင်များ ပိတ်ပင်ထားခြင်းကို အစိုးရက ပယ်ဖျက်မှုတွင် ဘဏ္ဍာရေးအကြောင်းအရင်းကလည်း စေ့စော်မှုတစ်ခု ဖြစ်မည်ဟု ၎င်းက ထည့်သွင်းပြောဆိုခဲ့သည်။
ပါကစ္စတန်တွင် ဘောလီးဝုဒ်ရုပ်ရှင်များနှင့် မင်းသားမင်းသမီးများမှာ အလွန်လူကြိုက်များပြီး၊ ပါကစ္စတန်မှ အဆိုတော်များ၊ သရုပ်ဆောင်များကလည်း အိန္ဒိယနိုင်ငံတွင် ကျယ်ကျယ်ပြန့်ပြန့် နေရာရနေသည်။
Ref : Aljazeera