ဒီဇင်ဘာ ၂၄၊ ၂၀၁၆
M-Media
– အိန္ဒိယမြို့တော် နယူးဒေလီက ပြည်သူတွေ အနီးဆုံးအများသုံးအိမ်သာကို ရှာဖွေနိုင်ဖို့အတွက် ဂူးဂဲလ်က သူတို့ရဲ့ Google Map မှာ လုပ်ဆောင်ချက်အသစ်တစ်ခု ထည့်ပေးလိုက်ပါတယ်။
ကြာသာပတေးနေ့က ထည့်ပေးလိုက်တာဖြစ်ပြီး ဒါဟာ အိန္ဒိယအစိုးရက နိုင်ငံတစ်ဝှမ်း လမ်းဘေး အပေါ့အလေးစွန့်တာကို တိုက်ဖျက်ရေး အစီအစဉ်ရဲ့ အစိတ်အပိုင်းတစ်ခု ဖြစ်တယ်လို့ Google India ရဲ့ ပြောရေးဆိုခွင့်ရှိသူ ဂူရဗ် ဘက်ရ်ှကာရ်က ဒီနေ့မှာ ပြောကြားခဲ့ပါတယ်။
မြို့တော်ဒေလီမှာ အများသုံးအိမ်သာ ရှာချင်သူတွေအတွက် Google Map ထဲမှာ ‘public toilet’ လို့ ရိုက်ထည့်လိုက်ရုံနဲ့ မြို့တွင်း၊ ဆင်ခြေဖုံးဒေသ၊ မဒ်ရာ ပရာဒက်ရ်ှပြည်နယ်က မြို့ကြီးတိုင်းမှာ ရှိနေတဲ့ အများသုံးအိမ်သာပေါင်း ၅၁၆၂ ခုလောက်ကို တွေ့ရမှာ ဖြစ်ပါတယ်။
အများသုံးအိမ်သာ တည်ရှိရာနေရာတွေကိုတော့ swachh public toilet ဆိုတဲ့ စကားလုံးနဲ့ ပြသထားမှာပါ။
“အိန္ဒိယရဲ့ တစ်ခြားဒေသတွေလည်း ဒီလုပ်ဆောင်ချက်မှာပါဝင်နိုင်ဖို့ အစိုးရက စီစဉ်နေပါတယ်။ အစိုးရက အချက်အလက်တွေပေးရင် ကျွန်တော်တို့ကလည်း မြေပုံမှာ နေရာတွေ ထပ်ထည့်သွားမှာပါ” လို့ ဘက်ရ်ှကာရ်က ပြောကြားခဲ့ပါတယ်။
အသုံးပြုသူတွေကလည်း အိမ်သာရဲ့ သန့်ရှင်းမှုနဲ့ပတ်သက်လို့ မှတ်ချက်တွေ ရေးသားနိုင်မှာဖြစ်ပါတယ်။
လမ်းဘေးမှာ မစင်စွန့်တာမျိုးဟာ တစ်ကမ္ဘာလုံး ရင်ဆိုင်နေရတဲ့ ပြဿနာတစ်ခုပါ။ ယူနီဆက်ဖ်ရဲ့ အစီရင်ခံစာမှာတော့ လူ ၁၀ ယောက်မှာ တစ်ယောက်ဟာ ဒီလို လမ်းဘေး မစင်စွန့်တာမျိုး ရှိတယ်လို့ ဆိုပါတယ်။
ဒါပေမယ့် အိန္ဒိယရဲ့ လူဦးရေ သန်း ၁၂၀၀ ကျော်မှာ သန်း ၆၀၀ လောက်က အိမ်မှာ အိမ်သာမရှိဘဲ ကြုံရာနေရာမှာ မစင်စွန့်နေရပါတယ်။
လွန်ခဲ့တဲ့ ၂ နှစ် ၀န်ကြီးချုပ်အဖြစ် ပထမဆုံး လွတ်လပ်ရေးမိန့်ခွန်းပြောကြားခဲ့တဲ့အချိန် မိုဒီက အိန္ဒိကျေးလက်ဒေသတွေမှာ အိမ်သာတွေဆောက်လုပ်ပေးရေးဟာ မိမိတို့အစိုးရရဲ့ အဓိကဦးစားပေးတွေထဲက တစ်ခုဖြစ်တယ်လို့ ပြောကြားခဲ့ပါတယ်။
ဒီလို လမ်းဘေးမှာ မစင်စွန့်တာဟာ မိလ္လာပြဿနာအပြင် အမျိုးသမီးတွေ လိင်ပိုင်းဆိုင်ရာ စော်ကားခံရမှု မြင့်တက်စေတာမျိုးကို ဖြစ်စေတယ်လို့ လတ်တလော လေ့လာမှုက ဖော်ပြနေပါတယ်။
အဲဒီလေ့လာမှုကို မီချီဂန်တက္ကသိုလ်က သုတေသနပညာရှင်တွေ ပြုလုပ်တာဖြစ်ပြီး အိမ်မှာ အိမ်သာမရှိတဲ့ အမျိုးသမီးတွေဟာ အိမ်သာရှိတဲ့အမျိုးသမီးတွေထက် လိင်ပိုင်းဆိုင်ရာ စော်ကားခံရမှုအန္တရာယ် ၂ ဆ မြင့်တယ်လို့ သုံးသပ်ခဲ့ပါတယ်။
လေ့လာမှုမှာပါဝင်တဲ့ ပညာရှင်တစ်ယောက်ကဆိုရင် အခြေခံအဆောက်အဦးတွေ တိုးတက်ကောင်းမွန်အောင်လုပ်တာ၊ အိမ်သာရရှိအောင် လုပ်ပေးတာတွေဟာ အမျိုးသမီးတွေအတွက် ပိုမိုလုံခြုံတဲ့ အခြေအနေမျိုး ဖန်တီးပေးတာဖြစ်တယ်လို့ ထောက်ပြခဲ့ပါတယ်။
၂၀၁၄ ခုနှစ်တုန်းက အိန္ဒိယအစိုးရဟာ အိမ်သာသန်းနဲ့ချီဆောက်ပေးတာ၊ မိလ္လာစနစ်ကောင်းမွန်အောင် ဆောင်ရွက်တာတွေကနေတစ်ဆင့် ၅ နှစ်အတွင်း လမ်းဘေး မစင်စွန့်တာတွေကို ပပျောက်စေဖို့ Clean India လှုပ်ရှားမှုကို စတင်ခဲ့ပါတယ်။
Ref: Aljazeera