ဒီဇင်ဘာ ၂၆၊ ၂၀၁၆
M-Media
– အမေရိကန်က ကေသုံးလုံး (KKK) အစွန်းရောက်အဖွဲ့ကို လူတိုင်း ကြားဖူးကြမှာပါ။
နိုင်ငံရဲ့ သက်တမ်းအရင့်ဆုံး အဲဒီ လူဖြူအစွန်းရောက် အမျိုးသားရေးဝါဒီအဖွဲ့ဟာ လူမည်းတွေအပါအ၀င် ခြားလူနည်းစုတွေအပေါ် မုန်းတီးရေးဝါဒဖြန့်သလို၊ ရက်စက်ကြမ်းကြုတ်တဲ့ နည်းလမ်းပေါင်းစုံနဲ့ သတ်ဖြတ်မှုတွေပြုလုပ်တဲ့ လက်မရွံ့လူသတ်သမားတွေလည်း ဖြစ်ပါတယ်။
ဒါပေမယ့် ချီကာဂိုက လူမည်း အဆိုတော်တစ်ယောက်ကတော့ ဒီ ဆိုးသွမ်းဂိုဏ်းက လူ ၂၀၀ လောက်ရဲ့ လူမျိုးရေးမုန်းတီမှုအစွဲတွေကို ချွတ်ပစ်နိုင်ခဲ့ပါတယ်။
အသက် ၅၈ နှစ်အရွယ်ရှိတဲ့ ဒါရိုင်း ဒေးဗစ်ဆိုသူဖြစ်ပြီး လူဖြူအစွန်းရောက်တွေရဲ့ အတွင်းစည်းအထိ ထိုးဖောက်ဝင်ရောက်ကာ အမုန်းတရားကင်းစင်ရေးဆောင်ရွက်မှုကို နှစ်ပေါင်း ၃၀ လောက် လုပ်ကိုင်ခဲ့သူ ဖြစ်ပါတယ်။
သူ့ရဲ့ ဒီကြိုးပမ်းမှုတွေကိုတော့ Klan-destine Relationships: A Black Man’s Odyssey in the Ku Klux Klan ဆိုတဲ့ ခေါင်းစဉ်နဲ့ မှတ်တမ်းတင်ခဲ့ပါတယ်။
မေရီလန်းပြည်နယ်က ရော်ဂျာ ကယ်လီလို့ခေါ်တဲ့ KKK အကြီးတန်းတာဝန်ရှိသူတစ်ဦးနဲ့ တွေ့ဆုံခဲ့ပုံကို သူက ဒီလို ဖွင့်ဟခဲ့ပါတယ်။
“သူ့ကိုတွေ့ရင် ကျွန်တော် ပြောရမှာတွေနဲ့ပတ်သက်ပြီး သေသေချာချာ ပြင်ဆင်ထားခဲ့ပါတယ်။ ကေသုံးလုံးက ရေးတဲ့စာအုပ်တွေ အားလုံးနီးပါး ကျွန်တော့်မှာရှိနေပြီး အားလုံးကိုလည်း ဖတ်ထားပါတယ်။ တကယ်တော့ ကေသုံးလုံးအဖွဲ့ဝင် အများစုထက်ကို ဒီအဖွဲ့အကြောင်း ကျွန်တော်က ပိုသိပါတယ်”
နောက်ပြီး ရန်သူ ဒါမှမဟုတ် ကိုယ်နဲ့ အမြင်မတူတဲ့သူတွေနဲ့ ရင်ဆိုင်ရာမှာ လေ့လာမှု၊ သတင်းအချက်အလက်၊ ဇ၀နဉာဏ်နဲ့ ဒါတွေကို လိုအပ်တဲ့အချိန်မှာ လိုအပ်သလို အသုံးချနိုင်ခြင်းက အကြမ်းဖက်မှု ဒါမှမဟုတ် သေစေနိုင်တဲ့လက်နက်တွေထက် ပိုပြီး အစွမ်းထက်တယ်လို့ ဒေးဗစ်က ပြောကြားခဲ့ပါတယ်။
“ကျွန်တော့က ဒီအရည်းအချင်းတွေကို ပြည့်နေအောင်ဖြည့်တယ်။ ရော်ဂျာ ကယ်လီက ကျွန်တော့်ကို သတ်လိမ့်မယ်လို့ သူ့မိတ်ဆွေတစ်ဦးက ကျွန်တော့်ကို ပြောပါတယ်။ လက်နက်မပါဘဲနဲ့ လုပ်နိုင်မယ်လို့ ယုံကြည်ခဲ့ပြီး ဒီယုံကြည်မှု မှန်ကန်ကြောင်း ကျွန်တော် သက်သေပြနိုင်ခဲ့ပါတယ်” လို့ ဒေးဗစ်က ဆိုပါတယ်။
နောက်ပိုင်းမှာတော့ မေရီလန်းက လူဖြူအမျိုးသားရေးအစွန်းရောက် ၄ ဦးလောက်က ဒေးဗစ်နဲ့ ဆက်သွယ်တွေ့ဆုံခဲ့ပါတယ်။
“ခြိမ်းခြောက်ခံရတာမျိုး ရှိသလို၊ နှစ်ကြိမ်လောက် ကိုယ်ထိလက်ရောက် တိုက်ခိုက်ခံရတာလည်း ရှိပါတယ်။ အဲဒီ နှစ်ကြိမ်စလုံးမှာ ကံကောင်းပြီး ကျွန်တော် နိုင်ခဲ့ပါတယ်။ ဒါမျိုးက အချိန်တိုင်း ဖြစ်နေတာပါ။ ဒါကိုတော့ မျှော်လင့်ထားရမယ်။ ကိုယ့်ကိုမုန်းနေတဲ့သူတွေ၊ အသားအရောင်မတူတာကြောင့် ကိုယ့်ကို အမှုန့်ချေချင်တဲ့လူတွေနဲ့ တွေ့ရတာလေ။ တစ်ချို့လူတွေဆို တော်တော်ဆိုးတာဗျ။ လူမည်းတစ်ယောက်ကိုတွေ့တာနဲ့ ရိုက်ချင် နှက်ချင်ကြတာ”
လူဖြူအစွန်းရောက်တွေဟာ သူတို့ ဘယ်လောက် မြင့်မြတ်ကြောင်းကို တစ်ကွေ့မဟုတ် တစ်ကွေ့မှာ ပြောတတ်ကြပြီး ကိုယ့်ဂုဏ်ကိုယ်ဖော်ဖို့ တစ်ဖက်သားကို နှိမ့်ချပြောဆိုတယ်လို့လည်း ဒေးဗစ်က ဆိုပါတယ်။
ဒါပေမယ့် ပေးဆပ်မှုက ရရှိတဲ့ရလဒ်နဲ့ဆိုရင် ထိုက်တန်ပါသတဲ့။
“သူတို့ရဲ့ တွေးခေါ်ဉာဏ် ပွင့်လာတာ၊ ဖုန်းခေါ်ပြီး ဒီအဖွဲ့က ထွက်တော့မယ်လို့ ပြောလာတာတွေကို မြင်ရတဲ့အခါ သိပ်ကြည်နူးစရာကောင်းပါတယ်။ ကျွန်တော်ကတော့ သူတို့ဝါဒကို စွန့်လွှတ်ဖို့ ဘယ်တော့မှ စမပြောပါဘူး။ ‘ခင်ဗျား ကျွန်တော့်ကို မသိဘဲနဲ့များ ဘာ့ကြောင့် မုန်းနေရတာလဲဗျာ’ ဆိုတဲ့ မေးခွန်းအတွက် အဖြေရဖို့ကိုသာ လမ်းကြောင်းပေးခဲ့တာပါပဲ” လို့ ဒေးဗစ်က ပြောကြားခဲ့ပါတယ်။
Ref: Metro