ဇန်န၀ါရီ ၇၊ ၂၀၁၇
M-Media
– ဆီးရီးယားနှင့် အီရတ်တို့မှ ပဋိပက္ခများကြောင့် ထွက်ပြေးလာရသည့် ဒုက္ခသည်အချို့ကို နိုင်ငံသားပေးမည်ဟု တူရကီသမ္မတ အာဒိုဂန်က ယမန်နေ့တွင် ပြောကြားလိုက်သည်။
“ကျွန်တော်တို့ ပြည်ထဲရေးဝန်ကြီးဌာနက (နိုင်ငံသားပေးရေး) လုန်းငန်းကို ဆောင်ရွက်နေပြီး ဒီလုပ်ငန်းစဉ်အရ သူတို့ (ဒုက္ခသည်တွေ) ထဲက တစ်ချို့ဟာ လိုအပ်တဲ့ စီစစ်မှုတွေအားလုံးပြီးရင် နိုင်ငံသားရမှာဖြစ်ပါတယ်။ သူတို့ထဲမှာ အင်ဂျင်နီယာတွေ၊ ဥပဒေပညာရှင်တွေ၊ ဆရာဝန်တွေလည်း ပါပါတယ်။ ဒီစွမ်းအားတွေကို အသုံးချကြရမှာပါ။ ဒီမှာ တရားမ၀င် အလုပ်လုပ်နေရမယ့်အစား သူတို့ကို ကျွန်တော်တို့နိုင်ငံ့သားကောင်းအဖြစ် အလုပ်လုပ်ခွင့် ပေးရအောင်” ဟု အာဒိုဂန်က ရုပ်မြင်သံကြားမိန့်ခွန်းတွင် ထည့်သွင်းပြောကြားခဲ့သည်။
ပြည်ထဲရေးဝန်ကြီးဌာနက ထိုလုပ်ငန်းကို အကောင်အထည်ဖော်ရန် အဆင်သင့်ရှိနေသည်ဟု အာဒိုဂန်က ပြောကြားခဲ့သော်လည်း အရေအတွက်မည်မျှ နိုင်ငံသားပေးမည်ဆိုသည့် ကိစ္စကဲ့သို့ အသေးစိတ်အချက်အလက်များကို ပြောကြားခဲ့ခြင်း မရှိပေ။
တူရကီအစိုးရ၏ မှတ်တမ်းများအရ နိုင်ငံအတွင်း ဆီးရီးယားနှင့် အီရတ်မှ ဒုက္ခသည်ပေါင်း ၃ သန်းကျော် ရှိနေသည်ဟု သိရသည်။
ပြီးခဲ့သည့်နွေရာသီကလည်း အဆိုပါဒုက္ခသည်များကို နိုင်ငံသားပေးရန် အစီအစဉ်အား အာဒိုဂန်က ပြောကြားခဲ့ဖူးသော်လည်း တူရကီပြည်သူအချို့က ကန့်ကွက်ခဲ့ကြသည်။
Ref: Alarabiya