News @ M-Media

ဒူဘိုင်းလေဆိပ်မှာ စံချိန်တင် ခရီးသည်ပမာဏဖြင့် ကမ္ဘာ့ထိပ်တန်းအဖြစ် ရပ်တည်

ဇန်န၀ါရီ ၂၅၊ ၂၀၁၇
M-Media

Dubai International လေဆိပ်

– ပြီးခဲ့သည့်နှစ်အတွင်း ဒူဘိုင်းလေဆိပ် Dubai International မှာ ခရီးသည်ပေါင်း ၈၃.၆ သန်းကို ၀န်ဆောင်မှုပေးခဲ့ပြီး နိုင်ငံတကာ ခရီးသည်များအတွက် ကမ္ဘာ့နံပါတ်တစ် ထိပ်တန်းလေဆိပ်ဟူသော ဘွဲ့ကို ဆက်လက်ထိန်းသိမ်းထားနိုင်ခဲ့သည်။

၂၀၁၅ ခုနှစ်က ခရီးသည် ၇၈ သန်းကျော်ကို ၀န်ဆောင်မှုပေးခဲ့ပြီး ၂၀၁၆ ခုနှစ်တွင်မူ ၇.၂ ရာခိုင်နှုန်း တိုးလာခြင်ဖြစ်သည်။ အားလပ်ရက်ကာလဖြစ်သော ဒီဇင်ဘာတွင် ခရီးသည်စုစုပေါင်း ၇.၇ သန်း လာရောက်ခဲ့ကြပြီး ၂၀၁၅ ခုနှစ်နှင့် နှိုင်းယှဉ်ပါက ၉.၃ ရာခိုင်နှုန်း တိုးတက်လာခြင်းဖြစ်သည်။

၂၀၁၆ ခုနှစ်အတွင်း Nepal Airlines Corporation လေကြောင်းလိုင်းနှင့် Rossiya လေကြောင်းလိုင်းတို့အပါအ၀င် လေကြောင်းလိုင်းသစ်များ ၀င်ရောက်လာခြင်း၊ flydubai၊ Emirates နှင့် အခြား နိုင်ငံတကာ လေကြောင်းလိုင်းများက ခရီးစဉ်အသစ်များကို ချဲ့ထွင်ပြေးဆွဲခြင်းတို့ကြောင့် ယခုကဲ့သို့ အရေအတွက် တိုးမြင့်လာခြင်းလည်းဖြစ်သည်။

Dubai Airports လုပ်ငန်းအုပ်စုမှ စီအီးအိုဖြစ်သူ ပေါလ် ဂရစ်ဖစ်က Dubai International လေဆိပ်ကို နိုင်ငံတကာ ခရီးသည်များ ၀န်ဆောင်မှုလုပ်ငန်းတွင် ရှေ့ဆောင်အဖြစ် တည်ဆောက်နိုင်ခဲ့ပြီဟု ဆိုသည်။

“၂၀၁၇ ခုနှစ်မှာ ခရီးသည် ၈၉ သန်း ရှိမယ်လို့ မျှော်မှန်းထားမှုနဲ့အတူ Dubai International လေဆိပ်ဟာ စုစုပေါင်း လေယာဉ်ခရီးစဉ်မှာ ထိပ်တန်းအဖြစ် ရပ်တည်နေတဲ့ အတ္တလန်တာနဲ့ ဘေဂျင်းတို့ကို လိုက်မီဖို့ နီးစပ်နေပါပြီ။ ၂၀၁၇ နဲ့ နောက်ပိုင်း ကျွန်တော်တို့ရဲ့ မျှော်မှန်းချက်က ခရီးသည်တွေအတွက် ပိုပြီး အဆင်ပြေအောင်၊ စွဲဆောင်မှုရှိအောင်နဲ့ သက်တောင့်သက်သာဖြစ်အောင် လုပ်ပေးဖို့လည်း ပါဝင်ပါတယ်” ဟု ဂရစ်ဖစ်က ပြောကြားခဲ့သည်။

Ref:Gulfnews