News @ M-Media

၇ နှစ်အရွယ် ဆီးရီးယား ဘလော့ဂါ သမီးငယ်နှင့် တွေ့ဆုံခဲ့သည့် လင်ဆေးလိုဟန်

ဇန်န၀ါရီ ၂၉၊ ၂၀၁၇
M-Media

ဘာနာ၊ အာဒိုဂန် ဇနီးမောင်နှင့်တို့နှင့်အတူ တွေ့ရသည့် လင်ဆေးလိုဟန်

– ဟောလီးဝုဒ်မှ နာမည်ကြီးမင်းသမီး လင်ဆေးလိုဟန်မှာ သောကြာနေ့က တူရကီသမ္မတ အာဒိုဂန်၊ အသက် ၇ နှစ်အရွယ် ဆီးရီးယားဘလော့ဂ်ဂါ ဘာနာ အလ်-အေဘဒ်တို့နှင့် တွေ့ဆုံခဲ့သည်ဟု တူရကီ သမ္မတရုံးဝဘ်ဆိုက်က သတင်းထုတ်ပြန်ခဲ့သည်။

ဓာတ်ပုံတွင် ပြုံးရွင်နေသည့် လိုဟန်မှာ ဘာနာအား ပွေ့ဖက်ထားသော အာဒိုဂန်၏ ဘေးတွင် ရပ်နေပြီး၊ အာဒိုဂန်၏ ဇနီး အီမီနီလည်း ပါဝင်သည်။

“ကျွန်မတို့ ဒီကနေပြီး ရှင်တို့ကို အားပေးနေတယ်ဆိုတာ ဆီးရီးယားနဲ့ အဲလစ်ပိုက ထိခိုက်ခံစားနေရတဲ့ ပြည်သူတွေ၊ ဒုက္ခသည်တွေအားလုံးကို ပြောကြားချင်ပါတယ်။ ရှင်တို့ ဆက်လက်တောင့်ခံထားနိုင်မှာပါ။ ဘာနာလေး လုပ်ခဲ့သလိုမျိုးပေါ့” ဟု ဘာနာက Twitter စာမျက်နှာတွင် တစ်ဆင့်မျှဝေထားသည့် ဗီဒီယိုတွင် လိုဟန်က ပြောကြားခဲ့သည်။

လိုဟန်မှာ ယခင်ကလည်း ဆီးရီးဒုက္ခသည် ၃ သန်းအား တူရကီက လက်ခံထားမှုကို အားပေးထောက်ခံကြောင်း ပြောကြားခဲ့ဖူးသည်။

သောကြာနေ့တွေ့ဆုံစဉ် လိုဟန်က အာဒိုဂန်နှင့် ဇနီးတို့အား အပြာနုရောင် တံဆိပ်တစ်ခုကို ပေးအပ်ခဲ့ပြီး အဆိုပါတံဆိပ်တွင် ‘ကမ္ဘာကြီးမှာ ၅ နိုင်ငံထက် ပိုကြီးသည်’ ဟု ရေးထားသည်။

ထိုတံဆိပ်၏ ဆိုလိုရင်းမှာ ကုလသမဂ္ဂ လုံခြုံရေးကောင်စီ၏ အမြဲတမ်းအဖွဲ့ဝင် ၅ နိုင်ငံဖြစ်သည့် ဗြိတိန်၊ တရုတ်၊ ပြင်သစ်၊ ရုရှားနှင့် အမေရိကန်တို့ကို ရည်ညွှန်းခြင်းဖြစ်သည်။

ဘာနာမှာ ၎င်းနေထိုင်ရာ အဲလစ်ပိုမြို့တွင် ဖြစ်ပွားနေသော စစ်ပွဲများအတွင်း ဆိုးရွားသော အဖြစ်အပျက် အကြောင်းအရာများကို Twitter စာမျက်နှာတွင် မျှဝေမှုကြောင့် နိုင်ငံတကာ အသိုင်းအ၀ိုင်း၏ အာရုံစိုက်မှုကို ရရှိခဲ့သူဖြစ်သည်။

ဒီဇင်ဘာလတွင် အဲလစ်ပိုမှ ဒုက္ခသည်အဖြစ် ဘာနာမှာ တူရကီသို့ ရောက်ရှိလာခဲ့ပြီး ထိုလနှောင်းပိုင်းတွင် သမ္မတအာဒိုဂန်က ဘာနာနှင့် မိသားစုကို သမ္မတအိမ်တော်၌ တွေ့ဆုံခဲ့သည်။

“ဆီးရီးယားက ပြည်သူတွေကို အားပေးဖို့အတွက် ကျွန်မရဲ့ မိတ်တွေတွေဖြစ်ကြတဲ့ အာဒိုဂန်၊ အီမီနီနဲ့ လင်ဆေးလိုဟန်တို့ကို တွေ့ဆုံခဲ့ပါတယ်” ဟု ဘာနာက သောကြာနေ့တွေ့ဆုံမှုကို Twiiter စာမျက်နှာတွင် ရေးသား မျှဝေခဲ့သည်။

Ref : Arab News