ဧပြီ ၁၈၊ ၂၀၁၇
M-Media
– အီရန်နိုင်ငံမှာ နိုင်ငံ၏ တပ်မတော်နေ့အထိမ်းအမှတ် စစ်ရေးပြအခမ်းအနားကို ယနေ့တွင် မြို့တော် တီဟီရန်၌ ကျင်းပပြုလုပ်ခဲ့ပြီး သမ္မတ ဟာဆန်ရူဟာနီက တက်ရောက်မိန့်ခွန်းပြောခဲ့သည်ဟု သိရသည်။
အဆိုပါအခမ်းအနားသို့ အီရန်စစ်တပ်၏ ကြည်း၊ ရေ၊ လေ အကြီးအကဲများ၊ အစ္စလာမ့်တော်လှန်ရေးအစောင့်တပ်၏ တပ်မဟာများမှ အကြီးအကဲများလည်း တက်ရောက်ခဲ့ကြသည်။
သမ္မတရူဟာနီက မိမိတို့စစ်တပ်မှာ မည်သူကိုမှ ကျူးကျော်ရန်မဟုတ်ဟု ၎င်း၏မိန့်ခွန်းတွင် ထည့်သွင်းပြောကြားခဲ့သည်။
“ကျွန်တော်တို့ရဲ့စစ်တပ်ဟာ အခြားသူတွေအတွက် ခြိမ်းခြောက်မှုတစ်ခု ဖြစ်မှာမဟုတ်ပါဘူး။ ကျွန်တော်တို့ဟာ တင်းမာမှုတွေ၊ ထိပ်တိုက်တွေ့မှုတွေကို ရှောင်ရှားမယ်ဆိုတဲ့ ဦးတည်ချက်အတိုင်း သွားမှာပါ။ ဒါပေမယ့် အခြားသူတွေရဲ့ အကြံအစည်တွေအပေါ် အမြဲတမ်း ဂရုပြုသွားမှာ ဖြစ်ပါတယ်။ ပြီးတော့ ကျွန်တော်တို့ရဲ့ ကာကွယ်ရေးစွမ်းအာကို တစ်နေ့ပြီးတစ်နေ့ တိုးတက်အောင် ဆောင်ရွက်သွားမှာပါ”
ထို့ပြင် အီရန်စစ်တပ်အနေဖြင့် အရှေ့အလယ်ပိုင်း၏ ‘အရေးပါပြီး အထိအခိုက်မခံသည့်’ ဒေသတစ်ခုလုံးကို ကာကွယ်ရေး ဆောင်ရွက်မည်ဖြစ်ကြောင်း၊ မိမိတို့၏ စစ်တင်အင်အားမှာ ကာကွယ်ရေးအတွက်ဖြစ်ပြီး ကျူးကျော်ရေးအတွက်မဟုတ်ကြောင်း၊ ကျူးကျော်လာသူ မည်သူ့ကိုမဆို ခိုင်မာစွာနှင့် ဆုံးဖြတ်ချက်ပြတ်သားစွာ တုန့်ပြန်သွားမည်ဆိုသည့် ကတိကို ပေးချင်ကြောင်း သမ္မတက ထည့်သွင်းပြောဆိုခဲ့သည်။
နိုင်ငံကြီးများက အခြားနိုင်ငံ၏ ပြည်တွင်းရေးကို ၀င်ရောက်စွက်ဖက်မှုများ၊ လူမျိုးတုန်းသတ်ဖြတ်မှု ကျူးလွန်မှု၊ အကြမ်းဖက်ဝါဒကို အားပေးမှု စသည်တို့ကို ဆောင်ရွက်နေသည်ဟုလည်း ရူဟာနီက ဝေဖန်ခဲ့သည်။
Ref : Rress TV