ဇူလိုင် ၂၊ ၂၀၁၇
M-Media
– ကက်သလစ်ဘုန်းကြီးများမှာ ကလေးငယ်များကို အဓမ္မပြုကျင့်သည်၊ မလျော်မကန်လုပ်သည်ဆိုသော စွပ်စွဲချက်များနှင့်ပတ်သက်၍ ကိုင်တွယ်ဆောင်ရွက်ရသော ရုံးကို ဦးဆောင်ရသည့် အကြီးအကဲ ကာဒီနယ် ဂျာဟာ့ဒ် မူလာကို ပုပ်ရဟန်းမင်းကြီး ဖရန်စစ်က ယမန်နေ့တွင် ရာထူးမှ ထုတ်ပယ်လိုက်သည်ဟု သိရသည်။
သြစတေးလျအစိုးရ၏ လိင်ပိုင်ဆိုင်ရာစွပ်စွဲချက်များအား ရပ်ဆိုင်ဖြေရှင်းရန် ထိပ်တန်းအကြံပေးဖြစ်သူ ကာဒီနယ် ဂျော့ဂ်ျပဲလ်ကို ဗာတီကန်မှ ပြန်လွှတ်ခဲ့ပြီး ရက်အနည်းငယ်အကြာတွင် ယခုကဲ့သို့ အာဏာအရှိဆုံး ကာဒီနယ်များထဲမှ တစ်ဦးကို ထုတ်ပယ်မှု ပေါ်ပေါက်လာခြင်းဖြစ်သည်။
ကာဒီနယ်မူလာ၏ တာဝန်ထမ်းဆောင်မှု ၅ နှစ်တာ ကာလအတွင်း ၎င်းဦးဆောင်သည့်အဖွဲ့မှာ ကက်သလစ်အသင်းတော်၌ ဘုန်းကြီးများ၏ လိင်ပိုင်းဆိုင်ရာ ကျူးလွန်မှုကိစ္စ ၂၀၀၀ ခန့်ကို ကိုင်တွယ်ရသော်လည်း ဆောင်ရွက်မှုများမှာ နှေးကွေးနေသည်ဟု ထိုကိစ္စကို ဖြေရှင်းရေး ကော်မရှင်တွင် ပုပ်ရဟန်းမင်းကြီး၏ တာဝန်ပေးမှုကို ခံရသည့် အမျိုးသမီး မာရီ ကောလင်း၏ ဝေဖန်မှုကို ခံခဲ့ရသည်။
ကက်သလစ်ဘုန်းကြီးတစ်ပါး၏ အစော်ကားခံရဖူးသူ ကောလင်းက ထိုကဲ့သို့ စော်ကားခံရသူများကို စောင့်ရှောက်ရန်၊ လိင်စိတ်ပြင်းသည့် ဘုန်းကြီးများ၏လက်မှ ကလေးငယ်များကို ကာကွယ်ရန် ၂၀၁၄ ခုနှစ်တွင် ပုပ်ရဟန်းမင်းကြီး ဖရန်စစ်ကို အကြံပြုခဲ့သည်။
ကောလင်းမှာ မတ်လက ပုပ်ရဟန်းမင်းကြီး၏ ကော်မရှင်မှ နှုတ်ထွက်ခဲ့ပြီး မိမိတို့ကော်မရှင်၏ တင်ပြချက်များကို ကာဒီနယ်မူလာ ဦးဆောင်သည့် ရုံးက အလေးမထားသည့်အတွက် သည်းမခံနိုင်တော့ဟု ပြောကြားခဲ့သည်။
မေလတွင် ပုပ်ရဟန်းမင်းကြီး ဖရန်စစ်က စော်ကားခံရသည့် ကိစ္စများကို ကိုင်တွယ်ရာတွင် နှေးကွေးမှုရှိသည်ဆိုသည့် ကောလင်း၏ ဝေဖန်မှုမှာ မှန်ကန်ကြောင်း၊ ထိုပြဿနာကို ဖြေရှင်းရန်အတွက် ၀န်ထမ်းများ ပိုမို ခန့်ထားသွားမည်ဖြစ်ကြောင်း ပြောကြားခဲ့သည်။
ယခုကဲ့သို့ မူလာအား ထုတ်ပယ်ခဲ့ပြီးနောက် ၎င်း၏ လက်ထောက်ဖြစ်သူ စပိန်ဘုန်းတော်ကြီး မွန်ဆစ်ဂ်နော် လူးဝစ် လာဒါရီယာ ဖာရ်ရာကို မူလာ၏နေရာ၌ ခန့်အပ်ခဲ့သည်။
Ref: Aljazeera