News @ M-Media

မလေးရှား ပြည်နယ်ဘုရင်တစ်ပါး၏ သမီးတော် နိုင်ငံခြားသားနှင့် အိမ်ထောင်ပြု

သြဂုတ် ၁၅၊ ၂၀၁၇
M-Media

– မလေးရှားနိုင်ငံ ဂျိုဟိုးပြည်နယ် ဘုရင်မင်းမြတ် ဆူလ်တန် အီဗရာဟင် အစ္စမာအီလ်၏ ဒုတိယမြောက် မင်းသမီး တွန်ကူ တွန် အေမီနာဟ် မိုင်မွန်နာဟ် အစ္စကန်ဒရီယာဟာ နယ်သာလန်သား ဒန်းနစ် မိုဟာမက် အဘ်ဒူလာနဲ့ မနေ့က လက်ထပ်ခဲ့ပါတယ်။

အသက် ၂၈ နှစ်အရွယ်ရှိပြီး ၂၀၁၅ ခုနှစ်က အစ္စလာမ်ဘာသာကို ကူးပြောင်းသက်ဝင်ခဲ့တဲ့ ဒန်းနစ်ဟာ မော်ဒဟောင်းတစ်ယောက်ဖြစ်ပြီး လက်ရှိ စင်ကာပူက ဘောလုံးအသင်းတစ်ခုမှာ ဈေးကွက်ဆိုင်ရာ အမှုဆောင်အဖြစ် တာဝန်ထမ်းဆောင်နေသူပါ။

မင်းသမီးကတော့ အသက် ၃၁ နှစ်အရွယ် ရှိနေပြီး ဆူလ်တန် အီဗရာဟင်ရဲ့ တစ်ဦးတည်းသော သမီးဖြစ်ပါတယ်။

မင်္ဂလာအခမ်းအနားကို ဘုရင့်နန်းတော်မှာ ကျင်းပပြုလုပ်ခဲ့ပြီး ဧည့်သည်တော်ပေါင်း ၁၂၀၀ ကျော်လောက် တက်ရောက်ခဲ့ပါတယ်။

ဂျိုဟိုးပြည်နယ်ဘုရင်ဟာ မလေးရှားနိုင်ငံမှာ သြဇာညောင်းတဲ့ ဘုရင်တစ်ပါးဖြစ်ပြီး ကိုယ်ပိုင်စစ်တပ်လည်းရှိကာ မလေးရှားမှာ တစ်ခုတည်းသော ကိုယ်ပိုင်စစ်တပ်ရှိတဲ့ပြည်နယ် ဖြစ်ပါတယ်။

Ref: BBC