သြဂုတ် ၂၆၊ ၂၀၁၇
M-Media
– မွတ်စလင်နိုင်ငံတွေမှာ စစ်ပွဲတွေ၊ အကြမ်းဖက်မှုတွေ လုပ်ဆောင်နေတဲ့ လူတွေကို ရှုတ်ချတယ်လို့ အစ္စလာမ့်သာသနာရဲ့ အမြင့်မြတ်ဆုံး ဗလီဝတ်ကျောင်းတော်ဖြစ်တဲ့ မက္ကာမြို့က မတ်စ်ဂျစ်ဒ် ဟရမ် ဗလီဝတ်ကျောင်းတော် ရှေ့ဆာင်အီမာမ်ကြီး ရှိခ် ဆာလေဟ် မိုဟာမက် အလ်-တာလစ်ဘ်က ဟဂ်ျကျင့်စဉ်အကြို ဒေသနာတော်မှာ ထည့်သွင်းပြောကြားလိုက်ပါတယ်။
“မွတ်စလင်တွေကြားထဲမှာ ပဋိပက္ခတွေ၊ သွေးကွဲမှုတွေ ဖန်တီးသူတိုင်းဟာ ဘုရားသခင်က ချီးမြှင့်ထားတဲ့ သဟဇာတဖြစ်မှုကို လစ်လျူရှုပြီး (အစ္စလာမ်သာသနာ မပေါ်ထွန်းခင်က) အမိုက်ခေတ်မှာ နေထိုင်တဲ့ သူတွေကို လိုက်တုနေတာမျိုး ဖြစ်ပါတယ်” လို့ မနေ့က သောကြာနေ့ ၀တ်ပြုဆုတောင်းမှုအတွင်း ကမ္ဘာတစ်ဝှမ်းက လူသိန်းချီကို မိန့်ကြားတဲ့ ဒေသနာတော်မှာ ထည့်သွင်းပြောဆိုခဲ့ပါတယ်။
ဒီတစ်ပတ်သောကြာဟာ ဟဂ်ျရာသီအကြို နောက်ဆုံးသောကြာနေ့ဖြစ်ပြီး ဟဂ်ျကျင့်စဉ်အတွင်း လိုက်နာရမယ့် ၀ိနည်းတွေ၊ ကျင့်မူဆောက်တည်ရမယ့် တရားတွေကို ဗလီဝတ်ကျောင်းတော်တွေရဲ့ ရှေ့ဆောင်အီမာမ်တွေက အဓိကထား ဟောကြားလေ့ရှိပါတယ်။
မနေ့က ၀တ်ပြုမှုအတွင်း ကမ္ဘာတစ်ဝှမ်းက အစ္စလာမ်ဘာသာဝင်တွေဟာ မတ်စ်ဂျစ်ဒ် ဟရမ် ဗလီဝတ်ကျောင်းတော် ပရ၀ုဏ်အတွင်းသာမကဘဲ အနီးအနားမှာရှိတဲ့ လမ်းတွေ၊ ဟိုတယ်တွေ၊ ရှေ့ပင်းမောလ်တွေ၊ အဆောက်အဦးတွေမှာ ပြည့်နှက်ခဲ့ပါတယ်။
အာရပ်ကမ္ဘာမှာ စစ်ရေးနဲ့ နိုင်ငံရေး ပြဿနာတွေကြောင့် လူတွေ သိန်းချီ သေဆုံးနေကြပြီး လူသန်းပေါင်းများစွာကလည်း အိုးအိမ်စွန့်ခွာ ထွက်ပြေးနေရပါတယ်။
အနောက်ကမ္ဘာက စစ်အင်အားကြီးနိုင်ငံတွေ၊ ဆော်ဒီနဲ့ အီရန်တို့လို စွန်နီနဲ့ ရှီအာ အင်အားကြီးနိုင်ငံတွေက ဆန့်ကျင်ဖက်အုပ်စုတွေကို ထောက်ပံ့ပေးနေတာကြောင့် ဆီးရီးယား၊ ယီမင်၊ အီရတ်နိုင်ငံတွေမှာ စစ်ပွဲတွေ၊ တိုက်ခိုက်မှုတွေလည်း ဆက်လက် ဖြစ်ပွားနေပါတယ်။
အီမာမ်ကြီး တာလစ်ဘ်ကတော့ ဘယ်သူတွေကို ရည်ညွှန်းတယ်ဆိုတာ ထည့်သွင်းပြောဆိုခြင်း မရှိပါဘူး။
Ref: Aljazeera