အောက်တိုဘာ ၃၊ ၂၀၁၇
M-Media

– ရိုဟင်ဂျာဒုက္ခသည် ၃၁ ဦးကို တိုက်ခိုက်ဖို့ ကြိုးစားခဲ့တဲ့ လူအုပ်ကို ဦးဆောင်သူ ဘုန်းကြီးတစ်ပါးကို ဖမ်းဆီးတရားစွဲဆိုလိုက်တယ်လို့ သီရိလင်္ကာ ရဲတပ်ဖွဲ့က ပြောကြားလိုက်ပါတယ်။
Akmeemana Dayarathana ဆိုတဲ့ ဘုန်းကြီးဖြစ်ပြီး သူနဲ့ သူ့အပေါင်းအပါတွေဟာ ကိုလံဘိုဆင်ခြေဖုံးက အဆောက်အဦးတစ်ခုမှာ ကုလအစောင့်အရှောက်နဲ့ နေထိုင်တဲ့ ရိုဟင်ဂျာ ဒုက္ခသည်တွေကို ရန်မူဖို့ ပြီးခဲ့တဲ့တစ်ပတ်မှာ ကြိုးစားခဲ့တာပါ။
လူအုပ်ဟာ အဆောက်အဦးကို ဖျက်ဆီးမှုတွေ ပြုလုပ်ခဲ့ပြီး တားဆီးတဲ့ ရဲတပ်ဖွဲ့တွေကိုလည်း ရန်မူ တိုက်ခိုက်ခဲ့ကြပါတယ်။ ဒုက္ခသည်တွေကိုတော့ ရဲတပ်ဖွဲ့က စောင့်ရှောက်ကာ လုံခြုံတဲ့နေရာမှာ ဖွက်ထားခဲ့ရပါတယ်။
လက်ရှိမှာ ဒီဘုန်းကြီး အပါအ၀င် လူ ၇ ဦးကို ဖမ်းဆီးကာ လူ့အဖွဲ့အစည်းအတွင်း စိတ်ဝမ်းကွဲစေမှု၊ ရဲတပ်ဖွဲ့အား တိုက်ခိုက်မှု၊ ပြည်သူပိုင်ပစ္စည်း ဖျက်ဆီးမှုတွေနဲ့ တရားစွဲဆို ရမန်ယူထားတယ်လို့ ရဲတပ်ဖွဲ့ ပြောရေးဆိုခွင့်ရှိသူ Ruwan Gunasekara က Reuters သတင်းဌာနကို ပြောကြားခဲ့ပါတယ်။
သီရိလင်္ကာသမ္မတ မိုင်သရီပါလာ ဆရီဆီနာဟာ ဘုန်းကြီးတွေဦးဆောင်တဲ့ ဒီတိုက်ခိုက်မှုကို ရှုတ်ချခဲ့ပြီး ‘ရှက်စရာ’ လုပ်ရပ်ဖြစ်တယ်လို့ ပြောကြားခဲ့ပါတယ်။ ဒီကိစ္စမှာ ပါဝင်သူတွေကို ဖမ်းဆီးဖို့လည်း ရဲတပ်ဖွဲ့ကို တိုက်တွန်းခဲ့ပါတယ်။
အဲဒီဒုက္ခသည်တွေကို ပြီးခဲ့တဲ့ဧပြီလမှာ သီရိလင်္ကာရေတပ်က ကယ်တင်ခဲ့ပြီး ကုလအစောင့်အရှောက်နဲ့ နေထိုင်နေကာ တတိယနိုင်ငံကိုသွားဖို့ စောင့်ဆိုင်းနေတာဖြစ်ပါတယ်။
Ref: Reuters