အောက်တိုဘာ ၂၀၊ ၂၀၁၇
M-Media
– အာရှတွင် တရုတ်၏ သြဇာလွှမ်းမိုးမှု မြင့်တက်လာသည့်အချိန်တွင် အိန္ဒိယနှင့် ပူးပေါင်းဆောင်ရွက်ရေး တိုးမြှင့်ရန် ဆန္ဒရှိနေသည်ဟု အမေရိကန်နိုင်ငံခြားရေးဝန်ကြီး ရက်စ် တီလာဆန်က ပြောကြားခဲ့သည်။
တီလာဆန်မှာ လာမည့်တစ်ပတ်တွင် အိန္ဒိယသို့ သွားရောက်ရန် ရှိနေပြီး ဗုဒ္ဓဟူးနေ့က Center for Strategic and International Studies တွင် ပြောကြားသော မိန့်ခွန်း၌ ယခုမှတ်ချက် ထွက်ပေါ်လာခြင်းဖြစ်သည်။
အိန္ဒိယမှာ မဟာဗျူဟာမြောက် ဆက်ဆံရေးတွင် အမေရိကန်၏ မိတ်ဖက်ဖြစ်ပြီး၊ မိမိတို့မှာ ဒီမိုကရေစီလူ့အဖွဲ့အစည်းမဟုတ်သော တရုတ်နိုင်ငံနှင့် ထိုကဲ့သို့ ဆက်ဆံရေးမျိုး မည်သည့်အခါမှ ရှိမည်မဟုတ်ကြောင်း ပြောကြားခဲ့သည်။
အမေရိကန်သမ္မတ ဒေါ်နယ်ထရမ့်မှာ နိုဝင်ဘာတွင် အာရှနိုင်ငံများသို့ သွားရောက်ရန် ရှိနေသည်။
တီလာဆန်က အမေရိကန်ပြည်ထောင်စုမှာ တရုတ်နှင့် အပြုသဘောဆောင်သော ဆက်ဆံရေးမျိုး တည်ဆောက်သွားမည်ဖြစ်သော်လည်း အမေရိကန်နှင့် မဟာမိတ်နိုင်ငံများ၊ အိမ်နီးချင်းနိုင်ငံများ၏ အချုပ်အခြာအာဏာကို ထိပါးနှောက်ယှက်သည့် အပြုအမှုများကို လက်ခံမည်မဟုတ်ဟု သတိပေးပြောကြားခဲ့သည်။
အမေရိကန်နှင့် အိန္ဒိယမှာ ကမ္ဘာ့မိတ်ဖက်နိုင်ငံများ ဖြစ်လာခဲ့ပြီး မိမိတို့မှာ ဒီမိုကရေစီအရ နီးစပ်မှုရှိရုံသာမက အနာဂတ် မျှော်မှန်းချက်များတွင်လည်း တူညီသည်ဟု တီလာဆန်က ဆိုသည်။
Ref; BBC