ဒီဇင်ဘာ ၅၊ ၂၀၁၇
M-Media
– အာရေဗျကျွန်းဆွယ်က အရေးပါတဲ့ အဖွဲ့တစ်ခုဖြစ်တဲ့ ပင်လယ်ကွေ့ ပူးပေါင်းဆောင်ရွက်ရေးကောင်စီ GCC ရဲ့ ကူဝိတ်မှာ ကျင်းပနေတဲ့ ၃၈ ကြိမ်မြောက် ထိပ်သီးအစည်းအဝေးဟာ အကွဲအပြဲတွေနဲ့ အဆုံးသတ်မယ့်အနေအထား ရှိနေပါတယ်။
ဘာရိန်း၊ ကူဝိတ်၊ အိုမန်၊ ကာတာ၊ ဆော်ဒီနဲ့ ယူအေအီးတို့ ပါဝင်တဲ့ GCC ရဲ့ ဒီအစည်းအဝေးကို တနင်္လာနေ့မှာ စတင်ခဲ့ပြီး ဗုဒ္ဓဟူးနေ့မှာ ပြီးဆုံးဖို့ သတ်မှတ်ထားတာပါ။
ဘာရိန်း၊ ဆော်ဒီနဲ့ ယူအေအီးတို့က နိုင်ငံ့ခေါင်းဆောင်တွေမလာဘဲ တတိယအဆင့် ခေါင်းဆောင်တွေကို လွှတ်တာ၊ ယူအေအီးနဲ့ ဆော်ဒီတို့က GCC ကနေ ခွဲထွက်ပြီး ပူးပေါင်းဆောင်ရွက်ရေးအဖွဲ့တစ်ခု ဖွဲ့စည်းကြောင်း ကြေငြာလိုက်တာကြောင့် ဒီအစည်းအဝေးဟာ အရာမထင်တော့ဘဲ အင်္ဂါနေ့မှာ အဆုံးသတ်ဖို့ ဆုံးဖြတ်လိုက်တာဖြစ်ပါတယ်။
ကာတာကို ဆော်ဒီ၊ ဘာရိန်း၊ ယူအေအီးနဲ့ အီဂျစ်တို့ဟာ ဇွန်လကတည်းက အဆက်အသွယ်ဖြတ်တောက်တဲ့ကိစ္စနဲ့ ယီမင်ပြဿနာတို့ကို ဒီအစည်းအဝေးမှာ အဓိကထား ဆွေးနွေးမယ်လို့ မျှော်မှန်းထားတာပါ။
ကာတာတက္ကသိုလ်က မဂျစ် အလ်-အန်ဆာရီက ဆော်ဒီနဲ့ ယူအေအီးတို့က နှစ်နိုင်ငံ ပူးပေါင်းဆောင်ရွက်ရေးအဖွဲ့ ဖွဲ့စည်းတယ်လို့ ကြေငြာလိုက်ခြင်းဟာ GCC အဖွဲ့ကို ပျက်သုဉ်းစေဖို့၊ ကာတာကိစ္စမှာ ကူဝိတ်ရဲ့ ကြားဝင်ဆောင်ရွက်မှုကို လက်မခံဖို့ ရည်ရွယ်ချက်ရှိရှိ ပြုလုပ်ခဲ့တာဖြစ်တယ်လို့ သုံးသပ်ပါတယ်။
ဆော်ဒီဦးဆောင်တဲ့အဖွဲ့နဲ့ ကာတာတို့ကြား ဖြစ်နေတဲ့ သံတမန်ရေးအကြပ်အတည်းကို မဖြေရှင်းနိုင်ဘူးဆိုရင် GCC အဖွဲ့ဟာ ပြိုလဲမယ့်အန္တရာယ်ရှိတယ်လို့ ဒီကိစ္စမှာ ကြားဝင်ဆောင်ရွက်ပေးနေတဲ့ ကူဝိတ်ခေါင်းဆောင် ရှိခ် ဆာဘာဟ် အလ် အဟ်မဒ် အလ်ဆာဘာက အောက်တိုဘာလမှာ သတိပေးခဲ့ဖူးပြီး လက်ရှိမှာ ဒီအတိုင်းဖြစ်မယ့် အနေအထား ရှိနေပါတယ်။
၁၉၈၁ ခုနှစ်က ဖွဲ့စည်းခဲ့တဲ့ GCC အဖွဲ့ဟာ အာရေဗျကျွန်းဆွယ်အတွင်းက နိုင်ငံတွေ စီးပွားရေး၊ ကုန်သွယ်ရေးနဲ့ လုံခြုံရေးဆိုင်ရာ ပူးပေါင်းဆောင်ရွက်ဖို့ ရည်ရွယ်တာဖြစ်ပါတယ်။
Ref: Aljazeera