ဒီဇင်ဘာ ၁၄၊ ၂၀၁၇
M-Media
– သြဂုတ်လနှောင်းပိုင်း ရိုဟင်ဂျာလက်နက်ကိုင်တွေက ရဲကင်းစခန်းတွေကို တိုက်ခိုက်ခဲ့ပြီးနောက်ပိုင်း စစ်တပ်ကပြုလုပ်တဲ့ နယ်မြေရှင်းလင်းရေးမှာ တစ်လအတွင်း အနည်းဆုံး ရိုဟင်ဂျာ ၆၇၀၀ လောက် အသတ်ခံရတယ်လို့ နယ်စည်းမခြား ဆရာဝန်များအဖွဲ့ (MSF) က ဒီကနေ့မှာ ပြောကြားလိုက်ပါတယ်။
ရိုဟင်ဂျာပေါင်း ၆ သိန်း ၂ သောင်းကျော်လောက် ဘင်္ဂလားဒေ့ရ်ှဖက်ကို ထွက်ပြေးခဲ့ရတဲ့ လတ်တလော ရခိုင်ပြည်နယ်မြောက်ပိုင်း မတည်ငြိမ်မှုအတွင်း သေဆုံးမှုစာရင်းတွေကို အဖွဲ့အသီးသီးက ခန့်မှန်းဖော်ပြရမှာ ဒီအရေအတွက်ဟာ အများဆုံး ဖြစ်နေပါတယ်။
ကုလနဲ့ အမေရိကန်တို့ကတော့ စစ်တပ်ရဲ့ လုပ်ဆောင်မှုတွေဟာ ရိုဟင်ဂျာတွေအပေါ် လူမျိုးတုန်းသတ်ဖြတ်မှုမြောက်နေတယ်လို့ ကြေငြာထားပေမယ့် သေဆုံးမှုစာရင်းကို အတိအကျ ထုတ်ဖော်ပြောဆိုခြင်း မရှိပါဘူး။
“လျော့လျော့ပေါ့ပေါ့ တွက်ချက်မှုမှာတောင်မှ အနည်းဆုံး ရိုဟင်ဂျာ ၆၇၀၀ လောက် အသတ်ခံရတယ်လို့ တွက်လို့ရပြီး၊ အသက် ၅ နှစ်အောက် ကလေးငယ် ၇၃၀ လောက် ပါဝင်ပါတယ်” လို့ MSF က ပြောပါတယ်။
ဒုက္ခသည်စခန်းတွေက ရိုဟင်ဂျာအိမ်ထောင်စုပေါင်း ၂၄၃၄ စုကို တစ်လတာကြာမြင့်တဲ့ လေ့လာဆန်းစစ်မှု ၆ ခုကို အခြေခံကာ ဒါကို ထုတ်ပြန်ခဲ့တာလို့ ဆိုပါတယ်။
“မြန်မာနိုင်ငံက အကြမ်းဖက်မှုကနေ လွတ်မြောက်လာပြီး ဘင်္ဂလားဒေ့ရ်ှက ကြပ်ညပ်နေပြီး၊ သန့်ရှင်းမှုမရှိတဲ့ ဒုက္ခသည်စခန်းတွေမှာ နေထိုင်နေရသူတွေနဲ့ ကျွန်မတို့ တွေ့ဆုံစကားပြောဆိုခဲ့တာပါ။ အကြမ်းဖက်မှုရလဒ်ကြောင့် ဆုံးရှုံးခဲ့ရတယ်ဆိုတဲ့ မိသားစုတွေဝင်တွေရဲ့ အရေအတွက်တွေ၊ သူတို့ သတ်ဖြတ်၊ တိုက်ခိုက်ခံခဲ့
ရတဲ့ ကြောက်စရာနည်းလမ်းတွေကို ကြားရတာဟာ တော်တော်လေး တုန်လှုပ်စရာပါ” လို့ MSF ရဲ့ ဆေးဘက်ဆိုင်ရာ ဒါရိုက်တာ ဆစ်ဒနီ ၀ွန်က ပြောကြားခဲ့ပါတယ်။
အဲဒီသေဆုံးမှုတွေထဲမှာ သေနတ်ဒဏ်ရာကြောင့် နောက်ပိုင်းမှ သေဆုံးခဲ့တဲ့အရေအတွက်ဟာ ၆၉ ရာခိုင်နှုန်းလောက်ရှိတယ်လို့ လေ့လာမှုမှာ တွေ့ခဲ့ရပါတယ်။
၉ ရာခိုင်နှုန်းက အိမ်ထဲမှာ အရှင်လတ်လတ် မီးရှို့သတ်ခံရပြီး ၅ ရာခိုင်နှုန်းက ရက်ရက်စက်စက် ရိုက်နှက်သတ်ဖြတ်ခံရတယ်လို့ ဆိုပါတယ်။
အသက် ၅ နှစ်အောက် ကလေးငယ်တွေထဲမှာ ၆၀ ရာခိုင်နှုန်းက ပစ်သတ်ခံရတာဖြစ်တယ်လို့ MSF ရဲ့ စစ်တမ်းကောက်ယူမှုမှာ တွေ့ခဲ့ရပါတယ်။
မြန်မာစစ်တပ်ကတော့ ကျူးလွန်မှုတွေရှိတယ်ဆိုတဲ့ စွပ်စွဲချက်တွေကို ငြင်းဆိုထားပြီး စစ်ဆင်ရေးစတင်ပြီး သီတင်းပတ်အနည်းငယ်အတွင်းမှာ ‘အကြမ်းဖက်သမား’ ဆိုသူ ၃၇၆ ဦး အပါအ၀င် ၄၀၀ လောက် သေဆုံးခဲ့တယ်လို့ သတင်းထုတ်ပြန်ထားပါတယ်။
ဒီလို အများအပြား သေဆုံးမှုမှာ စစ်တပ်ကထုတ်ပြန်တဲ့ ကာလအတိုင်းအတာနဲ့ သူတို့ရဲ့ စစ်တမ်းမှာ သတ်မှတ်ထားတဲ့ ကာလအတိုင်းအတာတွေ သွားတူနေတာဟာ စစ်တပ်နဲ၊ ဒေသခံလက်နက်ကိုင်တွေက ရိုဟင်ဂျာတွေအပေါ် ပစ်မှတ်ထားတယ်ဆိုတဲ့ အထောက်အထားဖြစ်ကြောင်း MSF က ထည့်သွင်း ပြောကြားခဲ့ပါတယ်။
Ref: CNA