ဒီဇင်ဘာ ၁၆၊ ၂၀၁၇
M-Media
– ပါလက်စတိုင်းပိုင်နက်များဖြစ်သည့် ဂါဇာကမ်းမြှောင်၊ အနောက်ဖက်ကမ်းနှင့် အရှေ့ဂျေရုစလင်တို့တွင် ဆန္ဒပြမှုအတွင်း အစ္စရေးစစ်တပ်၏ လက်ချက်ကြောင့် ယမန်နေ့တွင် အနည်းဆုံး ပါလက်စတိုင်း ၄ ဦး သေဆုံးခဲ့သည်ဟု သိရသည်။
အနောက်ဖက်ကမ်းရှိ ရာမာလာမြို့အနီးတွင် ပြုလုပ်သော ဆန္ဒပြမှုတွင် အစ္စရေးစစ်တပ်မှာ အသက် ၁၈ နှစ်အရွယ် မိုဟာမက် အေမင် အကီလ် အလ်-အဒမ်ကို ပစ်သတ်ခဲ့သည်ဟု ဒေသတွင်း မီဒီယာတွင်များက ဖော်ပြခဲ့ပြီး အစ္စရေးက အေမင်မှာ ၎င်းတို့တပ်ဖွဲ့များအား တိုက်ခိုက်ခဲ့သည်ဟု ထုတ်ပြန်ခဲ့သည်။
အနောက်ဖက်ကမ်းတွင် နောက်ထပ်တစ်ဦး၊ ဂါဇာကမ်းမြှောင်တို့တွင် အခြား ၂ ဦးတို့မှာလည်း အစ္စရေးစစ်တပ်၏ ပစ်ခတ်မှုကြာင့် သေဆုံးခဲ့သည်။
ဒီဇင်ဘာ ၆ ရက်နေ့တွင် အမေရိကန်သမ္မတ ဒေါ်နယ်ထရမ့်က ဂျေရုစလင်အား အစ္စရေးမြို့တော်အဖြစ် ကြေငြာခဲ့ပြီးနောက်ပိုင်း ပါလက်စတိုင်းပိုင်နက်များတွင် ထိုဆုံးဖြတ်ချက်ကို ဆန့်ကျင်သော ဆန္ဒပြမှုများ ဆက်တိုက် ဖြစ်ပွားလာခြင်းဖြစ်သည်။
ယမန်နေ့ အသတ်ခံရသူများတွင် ဂါဇာမှ အသက် ၂၉ နှစ်အရွယ် မသန်စွမ်းသူ အီဘရာဟင် အဘူ သူရေယာလည်း ပါဝင်ခဲ့သည်။ သူရေယာမှာ ယခင် ဂါဇာကမ်းမြှောင်အား အစ္စရေးက ကျူးကျော်တိုက်ခိုက်မှုတွင် ဒဏ်ရာရရှိကာ ခြေထောက်နှစ်ဖက်စလုံး ဖြတ်ထားရသူဖြစ်သည်။
Ref: Aljazeera