ဖေဖော်ဝါရီ ၁၁၊ ၂၀၁၈
M-Media
– ရုရှား ခရီးသည်တင်လေယာဉ်တစ်စီး ယနေ့မနက်ပိုင်းတွင် ပျက်ကျမှုကြောင့် လေယာဉ်ပေါ်တွင် လိုက်ပါသွားသူအားလုံး သေဆုံးခဲ့သည်ဟု သိရသည်။
Saratov Airlines လေကြောင်းလိုင်းမှ လေယာဉ်ဖြစ်ပြီး မော်စကိုမြို့ရှိ ဒိုမိုဒီဒိုဗိုလေဆိပ်မှ ပျံတက်ပြီး ၆ မိနစ်အကြာတွင် ပျက်ကျခဲ့ခြင်းဖြစ်သည်။
အဆိုပါလေယာဉ်မှာ မော်စကိုမှ အော့စ်မြို့သို့ ပျံသန်းခြင်းဖြစ်ပြီး ခရီးသည် ၆၅ ဦးနှင့် လေယာဉ်အမှုထမ်း ၆ ဦး စုစုပေါင်း ၇၁ ဦး လိုက်ပါသွားသည်။ လေယာဉ်ပျက်ကျမှုအတွင်း အသက်ရှင်သူမရှိဟု ကယ်ဆယ်ရေး တာဝန်ရှိသူများကို ကိုးကား၍ ရုရှားမီဒီယာများက ဖော်ပြကြသည်။
လေယာဉ်ပျက်ကျမှု အကြောင်းအရင်းကို တိတိကျကျ မသိရှိသေးဘဲ၊ ရာသီဥတုအခြေအနေ ဆိုးရွားခြင်း၊ လေယာဉ်မှူး အမှားလုပ်ခြင်း အပါအ၀င် ဖြစ်နိုင်ဖွယ် အကြောင်းအရင်းအားလုံးကို ရုရှား ပို့ဆောင်ရေးဝန်ကြီးဌာနက ထည့်သွင်းစဉ်းစားနေသည်ဟု Interfax သတင်းဌာနက ဖော်ပြခဲ့သည်။
မျက်မြင်သက်သေများကမူ လေယာဉ်မှာ ကောင်းကင်မှ မီးလောင်၍ ထိုးဆင်းလာခဲ့ခြင်းဖြစ်သည်ဟု ပြောကြားခဲ့ကြသည်။
ရုရှားတွင် လေယာဉ်ပျက်ကျမှုမှာ ဖြစ်လေ့ဖြစ်ထမရှိဘဲ ၂၀၁၆ ခုနှစ် ဒီဇင်ဘာတွင် တပ်နီတော်၏ ကွိုင်ယာအဖွဲ့ကို တင်ဆောင်သွားသော စစ်တပ်လေယာဉ်တစ်စီး ပျက်ကျမှုကြောင့် လေယာဉ်ပေါ် လိုက်ပါသွားသူ ၉၂ ဦးစလုံး သေဆုံးခဲ့သည်။ အဆိုပါလေယာဉ်ပျက်ကျမှုမှာ လေယာဉ်မှူးအမှားကြောင့်ဖြစ်သည်ဟု တွေ့ရှိခဲ့သည်။
Ref: Aljazeera