ဧပြီ ၁၉၊ ၂၀၁၈
M-Media
– နိုင်ငံအတွင်း တရားဝင်ထုတ်ပြန်သည့် ဘဏ္ဍာရေးဆိုင်ရာ ကြေငြာချက်များတွင် အမေရိကန်ဒေါ်လာအစား ယူရိုဖြင့် အစားထိုးဖော်ပြသွားမည်ဟု အီရန်အစိုးရက ယမန်နေ့တွင် ကြေငြာလိုက်သည်။
ယခုဆောင်ရွက်မှုမှာ အမေရိကန်နှင့် တင်းမာမှုများ မြင့်တက်လာပြီး အမေရိကန်ဒေါ်လာအား သုံးစွဲခွင့် ကန့်သတ်ခံလာရမှုကို ကျော်လွှားရန်၊ အီရန်ရီယဲလ်နှင့် အမေရိကန်ဒေါ်လာအကြား ငွေလဲနှုန်း အတက်အကျပြင်းမှုကြောင့် ဈေးကွက်အတွင်း မတည်ငြိမ်မှုကို တားဆီးရန် အီရန်အစိုးရ၏ ဆောင်ရွက်မှု တစ်စိတ်တစ်ပိုင်းလည်း ဖြစ်သည်။
အစိုးရအဖွဲ့ အစည်းအဝေးတွင် ၀န်ကြီးဌာနအားလုံး၊ နိုင်ငံပိုင်အဖွဲ့အစည်းများနှင့် ကုမ္ပဏီများမှာ ယူရို-ရီယဲလ် ငွေလဲနှုန်းကို အခြေခံကာ ကြေငြာချက်များ ထုတ်ပြန်ရမည်ဟု ဆုံးဖြတ်ခဲ့ပြီး အီရန်ဗဟိုဘဏ်ကလည်း ထိုကိစ္စအတွက် မကြာခဏ စစ်ဆေးမှု ပြုလုပ်သွားမည်ဟု ဆိုသည်။
သို့သော်လည်း အဆိုပါဆုံးဖြတ်ချက် မည်သည့်အချိန်တွင် အသက်ဝင်မည်ဆိုသည်နှင့် ပတ်သက်၍ ရှင်းရှင်းလင်းလင်း မသိရသေးပေ။
အီရန် ဗဟိုဘဏ်အကြီးအကဲ ဗာလီအိုလာ စအစ်ဖ်က အမေရိကန်ဒေါ်လာ အပေါ် ပိတ်ဆို့မှုများ ပြုလုပ်ထားပြီး အီရန်၏ ကုန်သွယ်ရေးအကျိုးအမြတ်ကို များသောအားဖြင့် ယူရိုငွေကြေးနှင့်သာ ရရှိသောကြောင့် ဘဏ္ဍာရေးထုတ်ပြန်ချက်များတွင် ဒေါ်လာကို အသုံးပြုမှုမှာ ကျိုးကြောင်း သင့်လျော်မှုမရှိဟု စောစောပိုင်းတွင် ပြောကြားထားသည်။
၂၀၁၅ ခုနှစ် အင်အားကြီးနိုင်ငံများနှင့် နျူကိစ္စ သဘောတူညီမှု ရရှိခဲ့ပြီးနောက် အီရန်အပေါ် စီးပွားရေးပိတ်ဆို့မှုများကို ကမ္ဘာ့နိုင်ငံများက ဖယ်ရှားခဲ့သော်လည်း အမေရိကန်နှင့် တင်းမာမှု ဆက်လက်မြင့်တက်နေသည့်အတွက် အီရန်၏ အမေရိကန်ဒေါ်လာ သုံးစွဲမှုတွင် အကန့်အသတ်များ ရှိနေသည်။
ပြီးခဲ့သည့် လများအတွင်း အီရန်ရီယဲလ်မှာ အမေရိကန်ဒေါ်လာနှင့် ယှဉ်ပါက သိသိသာသာ ကျဆင်းမှုကိုလည်း ကြုံတွေ့ခဲ့ရသည်။
Ref: Aljazeera