ဧပြီ ၂၁၊ ၂၀၁၈
M-Media
– ဂါဇာကမ်းမြှောင်မှာ မနေ့ကပြုလုပ်တဲ့ ပါလက်စတိုင်းတွေရဲ့ ဆန္ဒပြမှုမှာ အစ္စရေးတပ်ဖွဲ့တွေက ပစ်ခတ်သတ်ဖြတ်တဲ့အတွက် အနည်းဆုံး ၄ ဦး သေဆုံးပြီး ၇၀၀ လောက် ဒဏ်ရာရရှိခဲ့ပါတယ်။
ပါလက်စတိုင်းပိုင်နက်တွေကို ၁၉၄၈ ခုနှစ်မှာ အစ္စရေးက ကျူးကျော်သိမ်းပိုက်မှုအတွင်း အိုးအိမ်စွန့်ခွာထွက်ပြေးခဲ့ရတဲ့ ပါလက်စတိုင်းမိသားစုတွေရဲ့ မျိုးဆက်တွေ နေရပ်ပြန်နိုင်ရေး တောင်းဆိုတဲ့ အဲဒီဆန္ဒပြမှုမှာ လူတစ်ထောင်နီးပါးလောက် ပါဝင်ခဲ့ကြတာပါ။ ဒါဟာ ပြီးခဲ့တဲ့လတွေအတွင်း ၄ ကြိမ်မြောက် ဆန္ဒပြမှုလည်း ဖြစ်ပါတယ်။
သတ်ဖြတ်ခံရသူတွေထဲမှာ အသက် ၁၅ နှစ်အရွယ် ကလေးငယ်တစ်ဦးလည်း ပါဝင်ပါတယ်။ ဒဏ်ရာရသူတွေလည်း ၇၀၀ နီးပါးလောက် ရှိခဲ့ပါတယ်။
Great March of Return ခေါင်းစဉ်နဲ့ မတ်လနှောင်းပိုင်းကတည်းက စတင်ခဲ့တဲ့ အဲဒီဆန္ဒပြမှုအတွင်း အစ္စရေးရဲ့ သတ်ဖြတ်မှုကြောင့် သေဆုံးသူဟာ ၃၉ ဦး ရှိလာခဲ့ပြီး၊ ဒဏ်ရာရသူက ၄၀၀၀ ကျော်လောက် ရှိနေပါတယ်။
ဒီလို ပစ်ခတ်သတ်ဖြတ်မှုတွေအတွက် နိုင်ငံတကာက ဝေဖန်မှုတွေ လုပ်ခဲ့ပေမယ့် အစ္စရေးကတော့ နယ်စပ်တစ်လျှောက် စနိုက်ပါသမားတွေချထားကာ ဂါဇာကမ်းမြှောင်က ပါလက်စတိုင်းတွေအပေါ် ဆက်လက် ပစ်ခတ်မှုတွေ လုပ်နေပါတယ်။
Ref: Aljazeera