မေ ၉၊ ၂၀၁၈
M-Media
– အီရန်နဲ့ ရရှိထားတဲ့ သဘောတူညီချက်ကနေ အမေရိကန် နှုတ်ထွက်သွားမယ်လို့ သမ္မတ ဒေါ်နယ်ထရမ့်က မနေ့မှာ ပြောကြားလိုက်ပါတယ်။
“ဒီသဘောတူညီချက်ကို မပြင်ဆင်နိုင်ဘူးဆိုရင် အမေရိကန်ဟာ ဒီသဘောတူညီချက်မှာ ဆက်လက် ပါဝင်မှာ မဟုတ်ပါဘူး။ အီရန်နဲ့ သဘောတူညီချက်ဟာ အနှစ်သာရအရကို အလုပ်မဖြစ်ပါဘူး။ တကယ်လို့ ကျွန်တော်တို့ ဘာမှမလုပ်ဘူးဆိုရင် ဘာဖြစ်မလဲဆိုတာ သိလာရမှာပါ။ ဒါ့ကြောင့် ဒီနေ့ ကျွန်တော် ကြေငြာချင်တာက အီရန်ရဲ့ နျူသဘောတူညီချက်ကနေ အမေရိကန် နှုတ်ထွက်သွားမယ် ဆိုတာပါပဲ”
၂၀၁၅ ခုနှစ် ဗီယင်နာမှာ အမေရိကန်၊ ယူကေ၊ ပြင်သစ်၊ ဂျာမနီ၊ ရုရှား၊ တရုတ်နဲ့ ဥရောပသမဂ္ဂတို့ပါဝင်ပြီး အီရန်နဲ့ ရရှိခဲ့တဲ့ ဒီသဘောတူညီချက်မှာ အီရန်ဟာ သူတို့ရဲ့ ယူရေနီယံ သန့်စင်မှုလုပ်ငန်းကို နျူလက်နက် ထုတ်လုပ်နိုင်တဲ့အထိ မဆောင်ရွက်ဖို့နဲ့ အပြန်အလှန်အားဖြင့် နိုင်ငံတကာကပြုလုပ်ထားတဲ့ အီရန်အပေါ် ပိတ်ဆို့မှုတွေကို ဖယ်ရှားပေးဖို့ သဘောတူခဲ့ကြတာပါ။
နိုင်ငံတကာ အနုမြူစွမ်းအင် အေဂျင်စီ IAEA ကလည်း အီရန်ဟာ သဘောတူညီချက်အတိုင်း လိုက်နာဆာင်ရွက်နေတယ်လို့ အကြိမ်ကြိမ် ပြောကြားထားပါတယ်။
မနေ့က ထရမ့်ရဲ့ မိန့်ခွန်းအပြီး အိမ်ဖြူတော်က ထုတ်ပြန်တဲ့ ကြေငြာချက်မှာ သမ္မတက အီရန်အပေါ် ပိတ်ဆို့မှုတွေ ပြန်လုပ်ဖို့ ညွှန်ကြားထားတယ်လို့ ဖော်ပြခဲ့ပါတယ်။
ထရမ့်ဟာ ၂၀၁၆ ခုနှစ် သမ္မတရွေးကောက်ပွဲ မဲဆွယ်စဉ်ကတည်းက သမ္မတဖြစ်လာရင် အီရန်နဲ့ ရရှိထားတဲ့ သဘောတူညီချက်ကနေ နှုတ်ထွက်သွားမယ်ဆိုပြီး ကတိပေးခဲ့တာ ဖြစ်ပါတယ်။
Ref : Aljazeera