News @ M-Media

အစွန်းရောက်ဘုန်းကြီးတစ်ဦးကို ခြိမ်းခြောက်မှုဖြင့် အပြစ်ရှိကြောင်း သီရိလင်္ကာဆုံးဖြတ်

မေ ၂၅၊ ၂၀၁၈
M-Media

အစွန်းရောက်ဘုန်းကြီး  Galagodaatte Gnanasara

– သီရိလင်္ကာက အမုန်းတရားဟောတဲ့ အစွန်းရောက်ဘုန်းကြီးကို ရာဇ၀တ်မှုဆိုင်ရာစွဲချက်တွေအတွက် အပြစ်ရှိကြောင်း တရားရုံးက မနေ့မှာ ဆုံးဖြတ်ခဲ့ပါတယ်။

အဲဒီဘုန်းကြီးဟာ Galagodaatte Gnanasara ဆိုသူဖြစ်ပြီး ၂၀၁၀ ခုနှစ်မှာ စစ်ထောက်လှမ်းရေးရဲ့ ပြန်ပေးဆွဲမှုကို ခံခဲ့ရတဲ့ ဂျာနယ်လစ်ဦးရဲ့ အမျိုးသမီးကို အရှက်ရအောင်ပြုလုပ်မှု၊ ခြိမ်းခြောက်မှု စွဲချက်နှစ်ခုနဲ့ အပြစ်ရှိကြောင်း တွေ့ရှိခဲ့ရတာ ဖြစ်ပါတယ်။

တရားရုံးက ဒီဘုန်းကြီးကို အာမခံနဲ့ ပြန်လွှတ်ပေးခဲ့ပြီး ဇွန်လ ၁၄ ရက်နေ့မှာ အမိန့်ချမှာ ဖြစ်ပါတယ်။ စွဲချက်တစ်ခုစီအတွက် အမြင့်ဆုံး ထောင်ဒဏ် ၂ နှစ်နဲ့ ဒဏ်ငွေ၊ ဒါမှမဟုတ် ဒဏ်နှစ်ရပ်စလုံး ချမှတ်နိုင်မှာ ဖြစ်ပါတယ်။

သမ္မတဟောင်း မာဟင်ဒါ ရာဂျာပက်ဆီကို ပုံမှန်သရော်လေ့ရှိတဲ့ ကာတွန်းဆရာ Sandya Eknaligoda ဟာ ၂၀၁၀ ခုနှစ်မှာ ပြန်ပေးဆွဲခံရပြီးတဲ့နောက် ဇနီးဖြစ်သူ Eknaligoda က ခင်ပွန်းပြန်လည်လွတ်မြောက်ရေးအတွက် လှုပ်ရှားမှုတွေ ပြုလုပ်ခဲ့ပါတယ်။

အစွန်းရောက်ဘုန်းကြီး Gnanasar က အဲဒီ အမျိုးသမီးဟာ တမီလ်အစွန်းရောက်တွေနဲ့ ပတ်သက်နေပြီး စစ်တပ်ကို အကြည်ညိုပျက်အောင် ဆောာင်ရွက်တယ်လို့ စွပ်စွဲခဲ့သလို၊ ခြိမ်းခြောက်မှုတွေလည်း ပြုလုပ်ခဲ့ပါတယ်။

“တရားရုံးရဲ့ ဒီဆုံးဖြတ်ချက်ဟာ ကျွန်မတစ်ယောက်တည်းရဲ့ အောင်ပွဲမဟုတ်ပါဘူး။ ဒီဘုန်းကြီးရဲ့ အမူအကျင့်ကြောင့် ထိခိုက်ခံစားခဲ့ရတဲ့ ထောင်နဲ့ချီတဲ့သူတွေ အပြစ်ကင်းစင်တယ်ဆိုတဲ့ ပြယုဂ်တစ်ခု ဖြစ်ပါတယ်” လို့ Eknaligoda က AFP သတင်းဌာနကို ပြောကြားခဲ့ပါတယ်။

တရားရုံးက အပြစ်ရှိကြောင်း ဆုံးဖြတ်တဲ့အချိန်မှာ Gnanasar ဟာ ဘာမှတ်ချက်မှ မပေးခဲ့ပါဘူး။

ဗုဒ္ဓဘာသာအစွန်းရောက်အဖွဲ့ BBS ရဲ့ အတွင်းရေးမှူးဖြစ်သူ Gnanasar ဟာ မွတ်စလင်တွေအပေါ် အမုန်းပွားလာအောင် မတရားဟောကာ၊ အကြမ်းဖက်တိုက်ခိုက်မှုတွေ လုပ်ဖို့ ဗုဒ္ဓဘာသာဝင်တွေကို လှုံ့ဆော်ခဲ့သူလည်းဖြစ်ပါတယ်။

အကြမ်းဖက်ဖို့ လှုံ့ဆော်မှုအတွက် ပြီးခဲ့တဲ့နှစ်အတွင်း ရဲတပ်ဖွဲ့ရဲ့ လိုက်လံဖမ်းဆီးမှုမှာ Gnanasar ဟာ တစ်လကျော်လောက် ထွက်ပြေးပုန်းရှောင်နေခဲ့ပါတယ်။

BBS အဖွဲ့ဟာ ၂၀၁၄ ခုနဲ့ ၂၀၁၇ ခုနှစ်တွေမှာ ဖြစ်ပွားခဲ့တဲ့ မွတ်စလင်တွေအပေါ် အကြမ်းဖက်တိုက်ခိုက်မှုတွေမှာ နောက်ကွယ်က ကြိုးကိုင်ခဲ့တယ်လို့ သတင်းတွေ ထွက်ခဲ့ဖူးပါတယ်။

Ref: The Nation