ဇွန် ၁၁၊ ၂၀၁၈
M-Media
– စီးပွားရေးပြဿနာနဲ့ ရင်ဆိုင်နေရတဲ့ ဂျော်ဒန်နိုင်ငံကို ကန်ဒေါ်လာ ၂.၅ ဘီလီယံတန်ဖိုးရှိတဲ့ အကူအညီတွေ ပေးသွားမယ်လို့ ဆ်ာဒီ၊ ကူဝိတ်နဲ့ ယူအေအီးတို့က မနေ့မှာ ကတိပြုလိုက်ပါတယ်။
ပင်လယ်ကွေ့နိုင်ငံများကောင်စီက ပေးနေတဲ့ အကူအညီ ပြီးခဲ့တဲ့နှစ်မှာ ရပ်တန့်သွားပြီးတဲ့နောက် ဂျော်ဒန်ဟာ စီးပွားရေးဆိုင်ရာ ပြဿနာကို ရင်ဆိုင်နေရတာပါ။ ဘက်ဂျက်လိုငွေပြမှု သန်း ၇၀၀ ရှိနေတဲ့အတွက် အခွန်တိုးကောက်ဖို့ ကြိုးစားပေမယ့် ပြည်သူလူထုရဲ့ ဆန့်ကျင်ဆန္ဒပြမှုကို လတ်တလော ကြုံတွေ့နေရပါတယ်။
ဂျော်ဒန်ဘုရင် အဗ္ဗဒူလာ ၂၊ ဆော်ဒီဘုရင် ဆလ်မန်၊ ကူဝိတ်ခေါင်းဆောင် ရှိခ် ဆာဘာဟ် အလ် အဟ်မဒ် အလ် ဆာဘာဟ်၊ ယူအေအီး ဒုတိယသမ္မတ ရှိခ် မိုဟာမက် ဘင် ရာရှစ် အလ် မခ်တွန်တို့ဟာ ဒီကိစ္စအတွက် မက္ကာမှာ ယမန်နေ့မနက်ပိုင်းက ဆွးနွေးမှုတွေ ပြလုပ်ခဲ့ကြတာပါ။
ပင်လယ်ကွေ့ ၃ နိုင်ငံဟာ ကန်ဒေါ်လာ ၂.၅ ဘီလီယံ အကူအညီကို ၅ နှစ်အတွင်း ပေးအပ်မှာ ဖြစ်ပါတယ်။
ကမ္ဘာ့ဘဏ်က ငွေချေးခွင့် အာမခံချက်ရဖို့အတွက် ဂျော်ဒန်ဗဟိုဘဏ်ကို ဇပေါ်အဖြစ် ပေးသွားမှာဖြစ်လို၊ ငွေသားသီးသန့်ပေးတာ၊ အခြား ဖွံ့ဖြိုးရေးစီမံကိန်းတွေ ဆောင်ရွက်ပေးတာလည်း ပါဝင်မှာပါ။
ဂျော်ဒန်ဘုရင်က ဒီအကူအညီဟာ တိုင်းပြည်က ကြုံတွေ့နေရတဲ့ ဘဏ္ဍာရေးအခက်အခဲကို ပြေလည်စေလိမ့်မယ်လို့ မျှော်လင့်ကြောင်း ပြောကြားခဲ့ပါတယ်။
Ref : Aljazeera