စက်တင်ဘာ ၂၀၊ ၂၀၁၈
M-Media
– မြန်မာနိုင်ငံက ပုဂံဒေသကို ကမ္ဘာ့အမွေအနှစ် စာရင်းသွင်းဖို့ လျှောက်ထားမှုကို စဉ်းစားသုံးသပ်ဖို့အတွက် ‘အထိမ်းအမှတ်အဆောက်အဦများနှင့် နေရာများဆိုင်ရာ နိုင်ငံတကာကောင်စီ’ က ကျွမ်းကျင်သူတစ်ဦး စက်တင်ဘာ ၁၅ ရက်နေ့က ပုဂံကို လာရောက်ခဲ့ပါတယ်။
သြစတေးလျနိုင်ငံသား မစ္စတာ ရစ်ချက်မက်ကေးဆိုသူဖြစ်ပြီး ကုလသမဂ္ဂ၊ ပညာရေး၊ သိပံ္ပနဲ့ ယဉ်ကျေးမှုဆိုင်ရာအဖွဲ့ (ယူနက်စကို) တင်သွင်းမယ့် သုတေသနစာတမ်းအတွက် လာရောက် လေ့လာတာ ဖြစ်ပါတယ်။
ရစ်ချက်ဟာ မနေ့က ပုဂံရှေးဟောင်းပြတိုက်မှာ ဒေသခံကိုယ်စားလှယ်တွေနဲ့ တွေ့ဆုံကာ ရှေးဟောင်းဒေသတွေကို ထိန်းသိမ်းစောင့်ရှောက်ရေး ဒေသခံပြည်သူတွေရဲ့ အမြင်တွေကို မေးမြန်းခဲ့ပါတယ်။ လာမယ့်ရက်တွေမှာ မန္တလေးတိုင်းဒေသကြီး ၀န်ကြီးချုပ် ဒေါက်တာဇော်မြင့်မောင်၊ ပုဂံဒေသက ဟိုတယ်ပိုင်ရှင်တွေနဲ့လည်း တွေ့ဆုံဖို့ ရှိနေပါတယ်။
ကမ္ဘာ့အမွေအနှစ်စာရင်း ၀င်ဖို့အတွက် လျှောက်ထားရာမှာ အပိုင်းနှစ်ပိုင်းရှိပြီး တစ်ပိုင်းက သမိုင်းဝင်နေရာတွေ၊ အဆောက်အဦးတွေနဲ့ သက်ဆိုင်ကာ နောက်တစ်ပိုင်းက ဒီနေရာတွေကို စီမံခန့်ခွဲမယ့် ပြည့်ဝတဲ့ စီမံကိန်းတစ်ခု ထားရှိရေး ဖြစ်ပါတယ်။
မြန်မာနိုင်ငံဟာ ပုဂံဒေသကို ကမ္ဘာ့အမွေအနှစ်စာရင်းသွင်းရေး ၁၉၉၆ ခုနှစ်က ကြိုးပမ်းခဲ့ဖူးပြီး ပုဂံရှေးဟောင်းဇုန်တွေနဲ့ သင့်လျော်မှုမရှိတဲ့ စီးပွားရေးလုပ်ဆောင်မှုတွေကြောင့် ပယ်ချခံခဲ့ရပါတယ်။
အခုနှစ်ဇန်န၀ါရီလမှာ မြန်မာအစိုးရက ထပ်မံလျှောက်ထားခဲ့ပြီး လာမယ့်နှစ်မှာ ယူနက်စကိုက ဆုံးဖြတ်မှာ ဖြစ်ပါတယ်။
‘မြန်မာ ဗိသုကာပညာရှင်များအသင်း’ ရဲ့ ၂၀၁၇ ခု စစ်တမ်းအရ ပုဂံမှာ စေတီပုထိုးတွေ၊ ဘုန်းကြီးကျောင်းတွေနဲ့ ရုပ်ပွားဆင်းတုတော်တွေအပါအ၀င် ရှေးဟောင်းအဆောက်အဦးပေါင်း ၃၈၂၂ ခု ရှိတယ်လို့ သိရပါတယ်။
Ref: Frontier Myanmar
( Frontier Myanmar တွင် ဖော်ပြထားသည့်သတင်းကို ကောက်နှုတ်ဘာသာပြန်ဆိုခြင်း ဖြစ်သည်)