သြဂုတ် ၂၈၊ ၂၀၁၉
M-Media
မန်ယူကွင်းလယ်လူဟောင်း ကန်တိုနာကို Uefa President’s Award ချီးမြှင့်မည်
======================
မန်ယူအသင်းရဲ့ ဂန္တ၀င်ကွင်းလယ်လူ အဲရစ်ကန်တိုနာရဲ့ ပရဟိတလုပ်ဆောင်မှုတွေကို ဂုဏ်ပြုတဲ့အနေနဲ့ ဥရောပဘောလုံးအဖွဲ့ချုပ် UEFA က Uefa President’s Award ကို လာမယ့် ကြာသာပတေးနေ့ မိုနာကိုမှာ ချီးမြှင့်သွားမယ်လို့ သိရပါတယ်။
မန်ယူနဲ့အတူ ပရီးမီးယားလိဂ်ဖလား ၄ ကြိမ်၊ FA ဖလား ၂ ကြိမ်ရခဲ့တဲ့ ကန်တိုနာဟာ အသက် ၃၀ အရွယ်၁၉၉၇ ခုနှစ်မှာ ဘောလုံးလောကကနေ အနားယူခဲ့ပြီးတဲ့နောက် ပရဟိတလုပ်ငန်းတွေကို အစဉ်တစ်စိုက်လုပ်ဆောင်ခဲ့တာ ဖြစ်ပါတယ်။ ကန်တိုနာဟာ လက်ရှိမှာ အသက် ၅၃ နှစ် ရှိနေပါပြီ။
UEFA ဥက္ကဌ အလက်ဇန်ဒါး ကဖီရင်က ဒီဆုဟာ ကန်တိုနာရဲ့ စားသမားဘ၀ အောင်မြင်မှုကိုသာမကဘဲ၊ သူရဲ့ ဖြစ်တည်မှုကို ဂုဏ်ပြုတာဖြစ်တယ်လို့ ပြောကြားခဲ့ပါတယ်။ ဘောလုံးသမားတစ်ယောက်ရဲ့ ပုဂ္ဂိုလ်ရေးအောင်မြင်မှုကို အသိအမှတ်ပြုတဲ့ Uefa President’s Award ကို အရင်က ဒေးဗစ်ဘက်ခမ်း၊ ဂျိုဟန်ခရိုက်ဖ်၊ ဘောဘီချာလ်တန်၊ ဖရန့်ဇ် ဘက်ကင်ဘောင်ဝါ၊ ဘော်ဘီရော့ဘ်ဆန်နဲ့ ပါဘလို မာလ်ဒီနီတို့လည်း ရရှိခဲ့ဖူးပါတယ်။
နေးမာကို ပြန်ခေါ်ရေး ပီအက်စ်ဂျီနှင့် ဘာကာဆွေးနွေး
=================
နေးမာကို ပြန်ခေါ်ရေးအတွက် ဘာစီလိုနာဟာ ဒီကနေ့ ပဲရစ်မှာ ပီအက်စ်ဂျီအသင်း တာဝန်ရှိသူတွေနဲ့ဆွေးနွေးခဲ့ပြီး တိုးတက်မှုတွေ ရှိပေမယ့် ဆက်လက်ဆောင်ရွက်စရာတွေ ရှိသေးတယ်လို့ မီဒီယာတွေကို ပြောကြားခဲ့ပါတယ်။ နေးမာကို ပီအက်စ်ဂျီက ၂၀၁၇ ခုနှစ်မှာ ကမ္ဘ္ဘာ့စံချိန်တင်ပြောင်းရွှေ့ကြေး ပေါင် သန်း ၂၀၀ နဲ့ ဘာစီလိုနာကနေ ခေါ်ယူခဲ့တာဖြစ်ပြီး ဘာစီလိုနာက ၁၅၃ သန်းနဲ့ပြန်ခေါ်ဖို့ ကြိုးစားနေတာပါ။ နေးမာကလည်း ဘာစီလိုနာကို ပြောင်းရွှေ့နိုင်ရေး မျှော်လင့်နေတယ်လို့ ဆိုပါတယ်။
Ref: BBC