ဇန်နဝါရီ ၄၊ ၂၀၁၉
M-Media
-အပူချိန်မြင့်တက်လာတာနဲ့ လေပြင်းတိုက်ခတ်မှုတွေကြောင့် ဩစတေးလျနိုင်ငံ အရှေ့ကမ်းရိုးတန်းမှာ တောမီးလောင်မှုဟာ ထိန်းချုပ်လို့မရဘဲ အန္တရာယ်ရှိတဲ့ အခြေအနေကို ရောက်ရှိလာတယ်လို့ အာဏာပိုင်တွေက ပြောကြားလိုက်ပါတယ်။
စနေနေ့ညနေပိုင်းအထိ ဗစ်တိုးရီးယားပြည်နယ်က မီးလောင်မှု ၁၄ ခု၊ နယူးဆောက်သ်ဝေးလ်ပြည်နယ်က ၁၁ ခုတို့ကို အရေးပေါ်အခြေအနေ၊ ဘေးလွတ်ရာရွှေ့ပြောင်းရမယ့် အခြေအနေမအဖြစ် အသတ်မှတ်ထားရပါတယ်။ နိုင်ငံအရှေ့ပိုင်းက ပြည်နယ်တွေမှာ မီးလောင်မှု ၁၅၀ ကျော် ထပ်မံဖြစ်ပွားခဲ့ပါတယ်။
ဩစတေးလျ နိုင်ငံတစ်ဝှမ်းမှာ ပြီးခဲ့တဲ့နှစ် အောက်တိုဘာလကစလို့ တောမီး စတင်လောင်ကျွမ်းတာဖြစ်ပြီး သေဆုံးသူ ၂၃ ဦးရှိကာ သိန်းနဲ့ချီတဲ့လူတွေလည်း အိုးအိမ်စွန့်ခွာ ထွက်ပြေးခဲ့ရပါတယ်။ သေဆုံးမှုနဲ့ ဘေးလွတ်ရာ ပြောင်းရွှေ့ရမှုရဲ့ ထက်ဝက်လောက်ဟာ အခုတ်တစ်ပတ်အတွင်း ဖြစ်ပွားခဲ့တာပါ။
တောမီးလောင်မှုဟာ ပြီးခဲ့တဲ့နှစ် နှောင်းပိုင်းကထက် ပိုမိုဆိုးဝါးလာနိုင်တယ်ဆိုတဲ့ စိုးရိမ်မှုတွေ အာဏာပိုင်တွေမှာ ရှိလာပါတယ်။
နယူးဆောက်သ်ဝေးလ်ပြည်နယ် အာဏာပိုင်တွေက မီးလောင်နေတဲ့ တစ်ချို့ဒေသတွေမှာ ဘေးလွတ်ရာရွှေ့ပြောင်းရမယ့်အချိန်ဟာ နောက်ကျနေပြီလို့ ပြည်သူတွေကို သတိပေးခဲ့ပါတယ်။
မီးသတ်သမားတွေကို ကူညီဖို့အတွက် ဗဟိုအစိုးရဟာ စစ်ဖက်အရန်တပ်တွေကို ဆင့်ခေါ်ခဲ့သလို၊ ရေတပ်က ဘေးအန္တရာယ်ကယ်ဆယ်ရေးနဲ့ လူသားချင်းစာနာထောက်ထားမှုဆိုင်ရာ အကူအညီပေးရေး စစ်သင်္ဘော ၃ စီးအထိ အသုံးပြုလာပါတယ်။
Ref: Reuters