မေ ၁၈၊ ၂၀၂၀
M-Media
-အီရတ်နဲ့ ဆီးရီးယားတို့မှာရှိတဲ့ အမေရိကန်တပ်ဖွဲ့တွေကို မောင်းထုတ်သွားမယ်လို့ အီရန် အဓိပတိ အယာတိုလာ အလီခါမေနီက မနေ့မှာ ပြောကြားလိုက်ပါတယ်။
အီရန်တော်လှန်ရေးအစောင့်တပ်ဖွဲ့ရဲ့ အကြီးအကဲ ကာစင် ဆိုလိုင်မာနီကို အမေရိကန်က ဇန်နဝါရီလ ၃ ရက်နေ့မှာ ဒရုန်းနဲ့ တိုက်ခိုက်ခဲ့ပြီး၊ ရက်ပိုင်းအကြာမှာ အီရန်က အီရတ်မှာရှိနေတဲ့ အမေရိကန်စစ်စခန်းတွေကို ဒုံးကြည်နဲ့ လက်တုန့်ပြန် တိုက်ခိုက်ခဲ့ပါတယ်။ ဒီအဖြစ်အပျက်ကြောင့် အီရန်နဲ့ အမေရိကန်တို့အကြား ထိပ်တိုက်စစ်ပွဲ ဖြစ်မယ့်အနေအထားအထိ ရောက်ရှိခဲ့ပါတယ်။
အမေရိကန်ကို လူတွေက မုန်းတီးလာတာဟာ အာဖဂန်နစ္စတန်၊ အီရတ်နဲ့ ဆီးရီးယားတို့က အမေရိကန်ရဲ့ လုပ်ရပ်တွေကြောင့်ဖြစ်တယ်လို့ မနေ့က အီရန်ကျောင်းသားတွေကို ပြောကြားတဲ့မိန့်ခွန်းမှာ ခါမေနီက ထည့်သွင်းပြောဆိုခဲ့ပါတယ်။
“အီရတ်နဲ့ ဆီးရီးယားမှာ အမေရိကန်တွေ နေလို့ရမှာ မဟုတ်ပါဘူး။ သူတို့ကို မောင်းထုတ်မှာပါ”
အမေရိကန်နဲ့ အီရန်တို့အကြား ပြီးခဲ့တဲ့လတုန်းကလည်း တင်းမာမှုတစ်ခု ဖြစ်ခဲ့ပါတယ်။
ပင်လယ်ပြင်မှာ နှောက်ယှက်တဲ့ အီရန်သင်္ဘောတွေကို ပစ်ဖို့ ရေတပ်ကို အမိန့်ပေးထားတယ်လို့ အမေရိကန်သမ္မတ ဒေါ်နယ်ထရမ့်က ပြောဆိုခဲ့ပြီး၊ အီရန်တော်လှန်ရေးအစောင့်တပ်ဖွဲ့ လက်ရှိအကြီးအကဲ ဗိုလ်ချုပ် ဟိုစိန် ဆာလ်မာနီက ပင်လယ်ကွေ့မှာ အမေရိကန်သင်္ဘောတွေ လုံခြုံရေးကို ထိပါးရင် မိမိတို့က ပစ်ခတ်နှစ်မြှုပ်သွားမယ်လို့ တုန့်ပြန်ပြောဆိုခဲ့ပါတယ်။
အီရန်က ဗင်နီဇွဲလားနိုင်ငံကို ရေနံတင်ပို့မှုမှာ အမေရိကန်က ခြိမ်းခြောက်မှုအတွက်လည်း အီရန်နဲ့ အမေရိကန်တို့အကြား လတ်တလော တင်းမာမှုတွေ ရှိနေပါတယ်။
Ref: Reuters