သြဂုတ် ၁၈၊ ၂၀၂၀
M-Media
-တောင်ကိုရီးယား နိုင်ငံမှာ Covid-19 အကြီးအကျယ်ကူးစက်မှုကို ပြန်မြင်လာရပြီး လူထောင်ချီ သီးသန့်ခွဲထား စောင့်ကြည့်မှုတွေ လုပ်ဆောင်လာရပါတယ်။
ပြီးခဲ့တဲ့ ၅ ရက်အတွင်း တစ်နေ့တာ ကူးစက်မှု အရေအတွက်ဟာ နေ့စဥ် ရာချီရှိခဲ့ပြီး အဓိက ကူးစက်ရာ နေရာက မြို့တော် ဆိုးလ်မှာရှိတဲ့ Sarang Jeil ခရစ်ယာန်ဘုရားကျောင်း ဖြစ်ပါတယ်။
ဘုရားကျောင်းခေါင်းဆောင် Jun Kwang-hun ဟာ သမ္မတမွန်ဂျယ်အင်ကို ဆန့်ကျင်တဲ့ ဆန္ဒပြပွဲကို ဦးဆောင် ကျင်းပခဲ့သူပါ။
သြဂုတ်လ ၁၆ ရက်နေ့အထိ ဘုရားကျောင်းကနေ ကူးစက်မှု ၃၀၀ ကျော်ရှိပြီး လူပေါင်း ၃၄၀၀ လောက်ကို သီးသန့်ခွဲထား စောင့်ကြည့်နေပါတယ်။
ဘုရားကျောင်းနဲ့ ဆက်နွယ်နေတဲ့သူတွေရဲ့ အချက်အလက်အတိအကျကို ဘုရားကျောင်း တာ၀န်ရှိသူတွေက မပေးဘူးလို့လည်း တောင်ကိုရီးယား အာဏာပိုင်တွေက ဝေဖန်ပြစ်တင်ထားပါတယ်။
တောင်ကိုရီးယားရဲ့ ကိုဗစ်ပထမလှိုင်းကလည်း ကန့်သတ်ချက်တွေကို ချိုးဖောက်ကာ ၀တ်ပြုဆုတောင်းမှုတွေလုပ်ခဲ့တဲ့ Shincheonji ခရစ်ယာန်ဘုရားကျောင်းကနေ စတင်တာ ဖြစ်ပါတယ်။
Ref :New Straits Times