စက်တင်ဘာ ၂၀၊ ၂၀၂၀
M-Media
ဒေသတွင်းက လိုအပ်နေတဲ့ကျောင်းသားတွေကို ပညာရေး အထောက်အကူပြုပစ္စည်းတွေ ပေးအပ်မယ့်အစီအစဥ်တစ်ခုကို ဆော်ဒီအာရေဗျမှာရှိတဲ့ မဒီနာဒေသ အစိုးရက စတင်လိုက်ပါတယ်။
ဒီအစီအစဥ်ကို Good City လို့ အမည်ပေးထားပြီး ပညာရေး၀န်ကြီးဌာနနဲ့ ပူးပေါင်းဆောင်ရွက်တာပါ။
ပထမအဆင့်မှာ တက်ဘလက်အပါအ၀င် အီလက်ထရောနစ်ပစ္စည်း ၆ ထောင်လောက်ကို ကျောင်းသားတွေထံ မျှ၀ေပေးသွားမှာ ဖြစ်ပါတယ်။
မဒီနာအုပ်ချုပ်ရေးမှူး မင်းသား ဖိုက်ဆဲလ် ဘင် ဆလ်မန်က ကိုဗစ်ကပ်ရောဂါကာလမှာ လူငယ်တွေ ပညာရေးရည်မှန်းချက် ပြည့်၀စေရေး လိုအပ်နေတဲ့ ကျောင်းသားတွေကို ကူညီပေးဖို့ စီးပွားရေးလုပ်ငန်းရှင်တွေကို တိုက်တွန်းခဲ့ပါတယ်။
မဒီနာဒေသအစိုးရဟာ ပညာရေးနယ်ပယ် ဖွံ့ဖြိုးတိုးတက်စေဖို့အတွက် စီမံကိန်းအများအပြားကို ဆောင်ရွက်နေပြီး အဲဒီအထဲမှာ ဆရာ၊ ဆရာမတွေကို စွမ်းအားမြှင့်တင်ပေးရေး ဆောင်ရွက်မှုလည်း ပါ၀င်ပါတယ်။
Ref : Arab News