မေ ၉၊ ၂၀၂၁
M-Media
-ကိုဗစ်ကူးစက်မှု မြင့်တက်လာတာကို တားဆီးဖို့အတွက် ပါကစ္စတန်နိုင်ငံဟာ မနေ့ကစတင်ပြီး ၉ ရက်တာ လော့ဒေါင်း ချလိုက်ပါတယ်။
ပါကစ္စတန်နိုင်ငံမှာ ကိုဗစ်တတိယလှိုင်းကို ကြုံတွေ့နေရတာဖြစ်ပါတယ်။ နိုင်ငံတစ်ဝှမ်း စီးပွားရေးလုပ်ငန်းတွေအားလုံး ပိတ်ထားရမှာဖြစ်ပြီး၊ လူတွေကို အပြင်ထွက်ခွင့်လည်း ပေးတော့မှာ မဟုတ်ပါဘူး။
ကမ္ဘာတစ်ဝှမ်းက အစ္စလာမ်ဘာသာဝင်တွေဟာ လာမယ့်တစ်ပတ်အတွင်း ဝါကျွတ်အီးဒ်ပွဲတော် ဆင်နွှဲမှာဖြစ်ပါတယ်။ ပါကစ္စတန်မှာ အီးဒ်ပွဲတော်အတွင်း လူသိန်းသန်းချီ နေရပ်ပြန်ကြတာတွေရှိပြီး အခုလော့ဒေါင်းမှာတော့ ဒီလို သွားလာမှုတွေကို တားမြစ်ထားပါတယ်။
မနှစ်က ဝါကျွတ်အီးဒ်ပွဲတော်အပြီးမှာ ပါကစ္စတန်ဟာ ကိုဗစ်မြင့်တက်မှုဒဏ်ကို ခံစားခဲ့ရပါတယ်။
နိုင်ငံအတွင်း ဆေးဘက်ဆိုင်ရာ အခြေခံအဆောက်အဦးနဲ့ ဆေးဝါးပစ္စည်း မလုံလောက်တာကြောင့် ကိုဗစ်တတိယလှိုင်း မကျော်ဖြတ်နိုင်မှာကို ပါကစ္စတန်အစိုးရက စိုးရိမ်နေပါတယ်။
အိမ်နီးချင်း အိန္ဒိယနိုင်ငံမှာလည်း ကိုဗစ်ဒဏ်ကို ဆိုးဆိုးရွားရွား ခံစားနေရတဲ့အတွက် ဧပြီလကစပြီး လော့ဒေါင်းလုပ်ထားပါတယ်။
Ref: Aljazeera