News @ M-Media

ရုရှားနှင့် ဆက်ဆံရေးတိုးမြှင့်ရန် စစ်ကောင်စီက စိတ်ပိုင်းဖြတ်ထား

ဇွန် ၂၁၊ ၂၀၂၁
M-Media

FILE PHOTO: Myanmar’s military junta leader, General Min Aung Hlaing, speaks in a media broadcast in Naypyitaw, Myanmar February 8, 2021 in this still image taken from video. MRTV/Reuters TV via REUTERS

-နှစ်နိုင်ငံဆက်ဆံရေးခိုင်မာအောင် ဆောင်ရွက်ဖို့ စိတ်ပိုင်းဖြတ်ထားတယ်လို့ မြန်မာ အာဏာသိမ်းစစ်ကောင်စီအကြီးအကဲက ပြောကြားခဲ့ကြောင်း ရုရှား လုံခြုံရေးဆိုင်ရာ အကြီးအကဲ နီကိုလိုင်း ပက်ထရူးရှက်ဗ်က ပြောပါတယ်။

စစ်ကောင်စီဥက္ကဌ ဗိုလ်ချုပ်မှူးကြီးမင်းအောင်လှိုင်ဟာ မော်စကိုမှာ ၃ ရက်ကြာကျင်းပမယ့် နိုင်ငံတကာ လုံခြုံရေးဆိုင်ရာ ညီလာခံကို တက်ဖို့ မနေ့က ရုရှားနိုင်ငံကို သွားရောက်ခဲ့ပါတယ်။

ပက်ထရူးရှက်ဗ်က စစ်ကောင်စီဥက္ကဌနဲ့ တွေ့ဆုံမှုအတွင်း လုံခြုံရေးဆိုင်ရာ ကိစ္စတွေကို ဆွေးနွေးခဲ့ကြတယ်လို့ ဆိုပါတယ်။ ရုရှားသမ္မတ ဗလာဒီမီရ်ပူတင်ကတော့ စစ်ကောင်စီဥက္ကဌနဲ့ တွေ့ဆုံဖို့ မရှိဘူးလို့ သမ္မတပြောရေးဆိုခွင့်ရှိသူ ဒီမီထရီ ပက်စ်ကော့ဗ်က ထုတ်ပြန်ပါတယ်။

စစ်ကောင်စီဥက္ကဌရဲ့ ဒီခရီးစဉ်ဟာ အာဏာသိမ်းပြီးနောက်ပိုင်း ဒုတိယမြောက် နိုင်ငံခြားခရီးစဉ် ဖြစ်ပါတယ်။ ဗိုလ်ချုပ်မှူးကြီးမင်းအောင်လှိုင်ဟာ ဧပြီလက အင်ဒိုနီးရှားနိုင်ငံ ဂျကာတာမြို့မှာလုပ်တဲ့ အာဆီယံ ထိပ်သီးအစည်းအဝေးကို တက်ရောက်ခဲ့ပါတယ်။

Ref: RT