မေ ၂၃၊ ၂၀၂၂
M-Media
-နှစ်နိုင်ငံ ကုန်သွယ်ရေး မြှင့်တင်ပေးနိုင်မယ့် ကုန်သွယ်ရေးဆိုင်ရာ သဘောသူညီချက်နှစ်ခု လက်မှတ်ထိုးနိုင်ရေး ကမ္ဘောဒီးယားနဲ့ မြန်မာအာဏာသိမ်းစစ်ကောင်စီတို့အကြား ဆွေးနွေးညှိနှိုင်းမှုတွေ လုပ်ဆောင်နေပါတယ်။
မေလ ၁၈ ရက်နေ့ အင်ဒိုနီးရှားနိုင်ငံမှာ နှစ်နိုင်ငံ ကုန်သွယ်ရေး၀န်ကြီးတွေ တွေ့ဆုံဆွေးနွေးမှုအတွင်း ကမ္ဘောဒီးယား နိုင်ငံခြားရေး၀န်ကြီး ပန်ဆိုရာဆက်က နှစ်နိုင်ငံ ကုန်သွယ်ရေးတိုးမြှင့်ဖို့ တိုက်တွန်းခဲ့ပါတယ်။
စစ်ကောင်စီခန့် ကုန်သွယ်ရေး၀န်ကြီး ဦးအောင်နိုင်ဦးက ကမ္ဘောဒီးယား-မြန်မာ ရင်းနှီးမြှုပ်နှံမှုသဘောတူညီချက်၊ အခွန်နှစ်ထပ်ကောက်မှု ရှောင်ရှားရေး သဘောတူညီချက်တွေရဖို့ နှစ်နိုင်ငံဆွေးနွေးနေပြီး မကြာခင် လက်မှတ်ရေးထိုးနိုင်တော့မယ်လို့ ပြောပါတယ်။
ကမ္ဘောဒီးယားနဲ့ မြန်မာနိုင်ငံတို့အကြား ကုန်သွယ်မှု ကြီးကြီးမားမား မရှိဘဲ ကိုဗစ်မတိုင်ခင်ကာလတုန်းက တစ်နှစ်ကို ကန်ဒေါ်လာ သန်း ၂၀ ဖိုးလောက်သာ ရှိပါတယ်။
ကမ္ဘောဒီးယား ကုန်သည်ကြီးများအသင်း ဒုတိယဥက္ကဌ လင်မ်ဟန်က အခုဆွေးနွေးနေတဲ့ သဘောတူညီချက်နှစ်ခုကြောင့် ကုန်သွယ်ရေးဆိုင်ရာ အကျိုးကျေးဇူးတွေ ရရှိမှာဖြစ်ပြီး ရင်းနှီးမြှုပ်နှံသူတွေအတွက် ပိုမို လွယ်ကူစေလိမ့်မယ်လို့ ပြောကြားခဲ့ပါတယ်။
Ref: The Star