ဇူလိုင် ၁၂၊ ၂၀၂၂
M-Media
-စကြာ၀ဠာကြီးရဲ့ ပထမဆုံး ရောင်စုံပုံရိပ်ကို အမေရိကန်အာကာသအေဂျင်စီ နာဆာက တနင်္လာနေ့မှာ ထုတ်ပြန်လိုက်ပါတယ်။
စကြာ၀ဠာကြီးရဲ့ တောင်ဖက်ပိုင်းက ကြယ်စင်စု(ဂလက်ဆီ)တွေ SMACS 0723 ရဲ့ ပုံရိပ်တွေကို James Webb တယ်လီစကုပ်ကနေ ရိုက်ကူးထားတာပါ။
ဒီကြယ်စင်စုတွေဟာ နေအဖွဲ့အစည်းကနေ အလင်းနှစ် ၄.၆ ဘီလီယံ အကွာအ၀ေးမှာရှိနေပြီး အခုထုတ်ပြန်တဲ့ပုံရိပ်ဟာ လွန်ခဲ့တဲ့ နှစ်ပေါင်း ၄ ဘီလီယံကျော်ကပုံ ဖြစ်ပါတယ်။
James Webb တယ်လီစကုပ်ရဲ့ ရည်ရွယ်ချက်ဟာ လွန်ခဲ့တဲ့ နှစ်ပေါင်း ၁၃.၈ ဘီလီယံအရင်က စတင်တဲ့ စကြာ၀ဠာကြီးရဲ့အစကို လေ့လာဖို့နဲ့ စကြာ၀ဠာထဲမှာ သက်ရှိတွေနေထိုင်နိုင်မယ့် ဂြိုဟ်တွေ ရှာဖွေဖို့ ဖြစ်ပါတယ်။
အခုပုံရိပ်က တယ်လီစကုပ်ရဲ့ ပထမရည်ရွယ်ချက် အောင်မြင်တာကို ပြသနေပါတယ်။ နာဆာဟာ စကြာ၀ဠာကြီးရဲ့ နောက်ထပ်အသေးစိပ် ပုံရိပ်တွေကို ထပ်မံထုတ်ပြဖို့ ရှိနေပါတယ်။
Ref: BBC