ဖေဖော်၀ါရီ ၂၈၊ ၂၀၂၃
M-Media
-ရုရှားကျူးကျော်စစ်ကြောင့် အတိဒုက္ခရောက်နေကြတဲ့ ယူကရိန်းပြည်သူတွေအတွက် ကန်ဒေါ်လာ သန်း ၄၀၀ ဖိုး လူသားချင်း စာနာထောက်ထားမှုဆိုင်ရာ အကူအညီတွေ ထပ်ပေးမယ်လို့ ဆော်ဒီအာရေဗျက ကြေငြာပါတယ်။
ဆော်ဒီနိုင်ငံခြားရေး၀န်ကြီး မင်းသား ဖိုင်ဆယ် ဘင် ဖာရ်ဟန် တနင်္ဂနွေနေ့က သွားရောက်စဥ်အတွင်း အကူအညီကိစ္စ ပြောကြားခဲ့တာပါ။
မင်းသား ဖိုင်ဆယ်ဟာ ယူကရိန်းသမ္မတ ဇယ်လင်စကီး၊ ယူကရိန်းထိပ်တန်း တာ၀န်ရှိသူတွေနဲ့လည်း တွေ့ဆုံခဲ့ပါတယ်။
ပြီးခဲ့တဲ့နှစ် အောက်တိုဘာလ ဆော်ဒီ အိမ်ရှေ့မင်းသား မိုဟာမက် ဘင် ဆလ်မန်ဟာ ယူကရိန်းသမ္မတ ဇယ်လင်စကီးနဲ့ ဖုန်းပြောဆိုမှုအတွင်း လူသားချင်း စာနာထောက်ထားမှုဆိုင်ရာ အကူအညီတွေ ထပ်မံပေးအပ်သွားမယ်လို့ ကတိပြုခဲ့ပြီး အဲဒီကတိက၀တ်ကို အကောင်အထည်ဖော်တာလည်း ဖြစ်ပါတယ်။
Ref: Arab News