ဇူလိုင် ၃၀၊ ၂၀၂၃
M-Media
-အိန္ဒိယ ပြည်ထောင်စုအစိုးရရဲ့ ညွှန်ကြားချက်အရ နိုင်ငံအရှေ့မြောက်ပိုင်း မီဇိုရမ်ပြည်နယ်မှာ မြန်မာနိုင်ငံသားတွေရဲ့ ဇီ၀အချက်အလက်တွေကို ကောက်ယူနေပါတယ်။
၂၀၂၁ ခုနှစ် ဖေဖော်၀ါရီ ၁ ရက်နေ့ အာဏာသိမ်းပြီးနောက်ပိုင်း မြန်မာနိုင်ငံကနေ မီဇိုရမ်ဖက်ကို ထွက်ပြေးရသူ ၃ သောင်းကျော် ရှိပါတယ်။
မြန်မာနိုင်ငံသားတွေရဲ့ ဇီ၀အချက်အလက် ကောက်ယူမှုကို မီဇိုရမ်မှာ ပြီးခဲ့တဲ့တစ်ပတ်က စတင်ပြီး လုပ်ဆောင်ခဲ့တာပါ။ ကပ်နေတဲ့ မဏိပူရ ပြည်နယ်မှာလည်း ဒီလို ကောက်ယူမှုတွေ လုပ်ဆောင်နေပါတယ်။
မီဇိုရမ်မှာ မြန်မာနိုင်ငံသားတွေကို စာရင်းကောက်ယူပြီး သက်သေခံလက်မှတ်ထုတ်ပေးတာမျိုး အရင်က လုပ်ဆောင်ဖူးပါတယ်။
အာဏာရ ဟိန္ဒူအစွန်းရောက်ပါတီ BJP အစိုးရဟာ မြန်မာနိုင်ငံက ၀င်ရောက်လာသူတွေကို နိုင်ငံရေးအတွက် အသုံးချတာမျိုး ရှိနေပါတယ်။
မဏိပူရက ကသည်းတွေနဲ့ ကူကီးလူမျိုးတွေရဲ့ ပဋိပက္ခမှာ မြန်မာနိုင်ငံက ၀င်ရောက်လာတဲ့ ချင်းလူမျိုးတွေက ဆွပေးတယ်လို့ အိန္ဒိယအစိုးရ တာ၀န်ရှိသူတစ်ချို့က စွပ်စွဲထားပါတယ်။
Ref: Deccan Herald