မလေးရှားမြောက်ပိုင်းတွင် ကျားများ သောင်းကျန်းလာသည့်အတွက် စိုးရိမ်မှု မြင့်တက်

ဒီဇင်ဘာ ၈၊ ၂၀၂၃

M-Media 

-မလေးရှားနိုင်ငံမြောက်ပိုင်း ကလန်တန်းပြည်နယ်မှာ ကျားတွေ တိုက်ခိုက်မှု များပြားလာတာကြောင့် အစိုးရဟာ ကျားထောင်ဖမ်းကာ နေရာရွှေ့ပြောင်းဖို့ လုပ်ဆောင်နေရပါတယ်။ 

ဂွါမူဆန်းဆိုတဲ့ ခရိုင်မှာ ဖြစ်ပွားနေတာဖြစ်ပြီး ပြီးခဲ့တဲ့ ၂ လအတွင်း ကျားကိုက်မှုကြောင့် လူ ၃ ဦး သေဆုံးခဲ့ပါတယ်။ 

ကျား အဓိကသောင်းကျန်းနေတဲ့ နေရာတွေမှာ အစိုးရက ထောင်ချောက် ၁၁ ခုနဲ့ ကင်မရာ ၂၀ လောက်ချထားကာ ဖမ်းဆီးဖို့ ကြိုးစားနေပါတယ်။ 

၂၀၂၁ ခုနှစ်စတင်ပြီး ဂွါမူဆန်းခရိုင်မှာ ၂၀၂၁ ခုနှစ်ကတည်းက ကျားကိုက်မှု ၅ ခု ဖြစ်ပွားခဲ့ပြီး အဲဒီအထဲက ၃ ခုဟာ အခုနှစ် အောက်တိုဘာနဲ့ နို၀င်ဘာမှာ ဖြစ်ခဲ့တာပါ။ 

“တော်တော်လေး စိုးရိမ်စရာကောင်းတယ်ဗျ။ ဆယ်စုနှစ်တွေအတွင်း မလေးရှားမှာ ဆိုးဆိုးရွားရွားဖြစ်တဲ့ ကျားကိုက်မှုလို့တောင် ပြောလို့ရပါတယ်” လို့ မလေးရှား တောရိုင်းတိရစ္ဆာန်ဌာန တာ၀န်ရှိသူ မိုဟာမက် ဟာဇစ် ရိုဟာနီက ပြောပါတယ်။ 

မလေးရှားကျားအမျိုးအစားဟာ မျိုးတုန်းပျောက်ကွယ်မယ့် အန္တရာယ်ရှိနေတဲ့အတွက် အထူးအလေးထား ထိန်းသိမ်းစောင့်ရှောက်ရမယ့် တိရစ္ဆာန်မျိုးစိတ်ထဲမှာ ပါ၀င်ပါတယ်။ 

တစ်နိုင်ငံလုံးမှာ ကျားကောင်ရေ ၁၅၀ အောက်သာ ကျန်ရှိပါတော့တယ်။ 

Ref: CNA