ဇန်န၀ါရီ ၁၄၊ ၂၀၂၄
M-Media
-အောက်တိုဘာ ၇ ရက်နေ့ကတည်းက ဂါဇာမှာ စတင်ခဲ့တဲ့ အစ္စရေးရဲ့ လူသတ်ပွဲကြောင့် သေဆုံးသူ ပါလက်စတိုင်းအရေအတွက်ဟာ အနည်ဆုံး ၂၃၇၀၀ ရှိလာပြီ ဖြစ်ပါတယ်။
ဟားမက်စ်ရဲ့ တိုက်ခိုက်မှုကို လက်တုန့်ပြန်တယ်လို့ ပြောပေမယ့် ပါလက်စတိုင်းပြည်သူတွေကို အဓိက ပစ်မှတ်ထား တိုက်ခိုက်တာဖြစ်ပါတယ်။
အသတ်ခံရသူတွေထဲမှာ ကလေးငယ် အနည်းဆုံး ၉၆၀၀၊ အမျိုးသမီး အနည်းဆုံး ၆၇၅၀ ပါ၀င်ပါတယ်။ ဂါဇာမှာ လူဦးရေ ၂ ဒဿမ ၂ သန်းရှိပြီး ပျမ်းမျှ ၁၀၀ မှာ ၁ ဦး အသတ်ခံနေရတာဖြစ်ပါတယ်။
ဂါဇာကမ်းမြှောင်တစ်ခုလုံးက အဆောက်အဦးတွေရဲ့ ၈၅ ရာခိုင်နှုန်းလောက်ကိုလည်း အစ္စရေးက ဖျက်ဆီးထားပါတယ်။
ဒဏ်ရာရသူ အရေအတွက်က ၆ သောင်းကျော်ရှိနေပြီး ကလေးငယ် ၈၆၆၃ ဦး၊ အမျိုးသမီး ၆၃၂၇ ဦး ပါ၀င်ပါတယ်။ အောက်တိုဘာ ၇ ရက်နေ့နောက်ပိုင်း အစ္စရေးရဲ့ လူသတ်ပွဲကြောင့် ခြေထောက်တစ်ဖက်၊ ဒါမှမဟုတ် ၂ ဖက်စလုံး ဆုံးရှုံးတဲ့ ကလေးငယ်ပေါင်း တစ်ထောင်ကျော် ရှိပါတယ်။
အကူအညီပေးရေးအဖွဲ့တွေကို အစ္စရေးက ကန့်သတ်ထားတာကြောင့် ဂါဇာမှာ အစာရေစာ၊ လောင်စာနဲ့ ဆေး၀ါးပစ္စည်းတွေ ပြတ်တောက်နေပြီး ၂ ဒဿမ ၂ သန်းသော ပါလက်စတိုင်းပြည်သူတွေဟာ စားနပ်ရိက္ခာ ရှားပါးမှုနဲ့ ကြုံတွေ့နေရပါတယ်။
ဂါဇာပြည်သူတွေရဲ့ ၉၀ ရာခိုင်နှုန်းနီးပါးဖြစ်တဲ့ ၁ ဒဿမ ၉ သန်းလောက်ဟာ အိုးအိမ်စွန့်ခွာထွက်ပြေးနေရပါတယ်။
Ref : Aljazeera